Davlat aktivlari agentligida Kiberjinoyatlarning oldini olish va giyohvandlikka qarshi kurashish mavzusida targ‘ibot tadbiri o‘tkazildi
2026-06-26 18:10:00 / Yangiliklar
“26-iyun — Xalqaro giyohvandlikka qarshi kurashish kuni” munosabati bilan Davlat aktivlarini boshqarish agentligida targ‘ibot-tashviqot tadbiri tashkil etildi.
Ishtirokchilarga kiberjinoyatlarning keng tarqalgan turlari, ulardan himoyalanish usullari hamda internetdan xavfsiz va ehtiyotkor foydalanish bo‘yicha zarur tavsiyalar berildi.
Tadbir avvalida fuqarolarning kiberxavfsizligini ta’minlashga qaratilgan “APK Qo‘riqchi” ilovasi, uning imkoniyatlari, yuklab olish va foydalanish tartibi haqida ham batafsil ma’lumot berildi.
Mazkur tadbir O‘zbekiston Respublikasi Vazirlar Mahkamasining tegishli topshiriqlari ijrosini ta’minlash, jamiyatda sog‘lom turmush tarzini targ‘ib qilish hamda giyohvandlikning salbiy oqibatlari haqida xabardorlikni oshirish maqsadida o‘tkazildi.
Tadbirda O‘zbekiston Respublikasi Ichki ishlar vazirligi hamda Bosh prokuratura mas’ul xodimlari ishtirok etib, giyohvand moddalarning inson salomatligiga, oila va jamiyat hayotiga yetkazadigan zararlari, ularning tarqalishining oldini olish, shuningdek, bu borada amalga oshirilayotgan profilaktik chora-tadbirlar haqida atroflicha ma’lumot berdilar.
Uchrashuv davomida giyohvandlikka qarshi kurashishda davlat organlari, jamoatchilik va har bir fuqaroning hamkorligi muhim ekani, ayniqsa yoshlar o‘rtasida profilaktika ishlarini yanada kuchaytirish zarurligi alohida ta’kidlandi.
Tadbir yakunida ishtirokchilar o‘zlarini qiziqtirgan savollarga mutaxassislardan batafsil javob oldilar.
- #GiyohvandlikkaQarshi
- #YoqDeDrugs
- #SoglomTurmush
- #KelajakUchun
- #Yoshlar
- #HealthyLifestyle
- #WorldDrugDay
- #SayNoToDrugs
- #DrugFree