9-may – Xotira va qadrlash kuni munosabati bilan “Ikki avlod vakillari” uchrashuvi bo‘lib o‘tdi
2026-05-08 12:00:00 / Yangiliklar
“9-may – Xotira va qadrlash kuni” munosabati bilan Davlat aktivlarini boshqarish agentligida tizimda uzoq yillar samarali faoliyat yuritgan faxriylar hamda yosh xodimlar ishtirokida “Ikki avlod vakillari” ma’naviy-ma’rifiy uchrashuv tashkil etildi.
Uchrashuvni Davlat aktivlari agentligi direktori oʻrinbosari A.Miraliyev ochib berib, faxriylar tomonidan mamlakatimizda amalga oshirilayotgan keng koʻlamli islohotlar, davlat xizmatidagi mas’uliyat, halollik va mehnatsevarlikning ahamiyati haqida fikr-mulohazalar bildirdi.
Mazkur tadbirni oʻtkazishdan asosiy maqsad yoshi ulugʻ va koʻp yillik mehnat tajribasiga ega faxriylarning boy hayotiy tajribasi, kasbiy faoliyati hamda Vatanga sadoqat, fidoyilik va mas’uliyat kabi fazilatlarini yosh avlodga yetkazishdan iborat boʻldi.
Shuningdek, Davlat aktivlari agentligi faxriylar kengashi raisi A.Daliyev hamda mexnat faxriylari oʻz soʻzlarida, yoshlarga kasbiy faoliyatda tashabbuskor boʻlish, oʻz ustida muntazam ishlash va milliy qadriyatlarga hurmat ruhida faoliyat yuritish yuzasidan tavsiyalar berdi.
Tadbir yakunida faxriylarga koʻrsatilayotgan yuksak eʻtibor va ehtirom “Inson qadri uchun” tamoyilining amaldagi yana bir yorqin ifodasi ekani alohida ta’kidlandi.
