Davlat aktivlari agentligi xodimlari VIII Toshkent xalqaro marafonida ishtirok etdi
2026-04-06 15:00:00 / Yangiliklar
Joriy yilning 5-aprel kuni Davlat aktivlarini boshqarish agentligi tizimi xodimlari Navro‘z umumxalq bayrami munosabati bilan an’anaviy VIII Toshkent xalqaro marafonida ishtirok etdi. Tadbir O‘zbekiston Respublikasi Sport vazirligi, O‘zbekiston yengil atletika federatsiyasi hamda ProRun kompaniyasi tomonidan tashkil etildi.
Mazkur sport tadbiri mamlakatimizdagi eng yirik ommaviy yugurish musobaqalaridan biri bo‘lib, har yili turli davlatlardan minglab ishtirokchilarni birlashtiradi. Marafon doirasida turli masofalar, jumladan ommaviy ishtirokchilar uchun mo‘ljallangan 5 kilometr masofa ham tashkil etildi.
Davlat aktivlari agentligi 5 kilometr masofani muvaffaqiyatli bosib o‘tib, jamoaviylik, hamjihatlik va sog‘lom turmush tarziga sodiqligini namoyon etdi.
Bunday tadbirlarda ishtirok etish xodimlar o‘rtasida korporativ madaniyatni mustahkamlash, jismoniy faollikni oshirish hamda ommaviy sportni rivojlantirishga qaratilgan tashabbuslarni qo‘llab-quvvatlashga xizmat qiladi.