1. Quyidagilar Qo‘mitaning asosiy vazifalari hisoblanadi:

nazorat ostidagi xavfli ishlab chiqarish ob’ektlarida sanoat xavfsizligini hamda atom energetikasi va yadro texnologiyalari ob’ektlarida radiatsiya va yadro xavfsizligini ta’minlash sohalarida yagona davlat siyosati yuritilishini muvofiqlashtirish va nazorat qilish;

sanoat, radiatsiya va yadro xavfsizligini ta’minlash borasida respublikada iqtisodiyotning asosiy tarmoqlarini yanada rivojlantirish bo‘yicha strategik rejalar va dasturlarni ishlab chiqishda ishtirok etish;

sanoat, radiatsiya va yadro xavfsizligi hamda liftlar va attraksionlar xavfsizligi borasidagi normativ-huquqiy hujjatlar va texnik jihatdan tartibga solish sohasidagi normativ hujjatlarni belgilangan tartibda ishlab chiqish va qabul qilish;

sanoat, radiatsiya va yadro xavfsizligi hamda liftlar va attraksionlar xavfsizligi borasidagi qonun hujjatlari va texnik jihatdan tartibga solish sohasidagi normativ hujjatlar talablariga yuridik va jismoniy shaxslar (aholidan tashqari) tomonidan rioya etilishi ustidan davlat nazorati va tekshiruvini amalga oshirish;

sanoat xavfsizligini ekspertizasi va akkreditatsiyalash tizimini takomillashtirish, shuningdek, atom energiyasidan foydalanish ob’ektlarining va (yoki) atom energiyasidan foydalanish sohasidagi faoliyatning xavfsizligini asoslash yuzasidan ekspertiza qilishni tashkillashtirish;

xavfli ishlab chiqarish ob’ektlarini identifikatsiyalash, hisobga olish va ularning davlat reestrini yuritish, sanoat xavfsizligini deklaratsiyalash tartibini tashkil etish va takomillashtirish, texnogen xavf yuqori bo‘lgan zonalar davlat kadastrini yuritish;

sanoat xavfsizligini ta’minlash va atom energiyasidan foydalanish sohalarida litsenziyalash va ruxsat etuvchi xujjatlar berish;

sanoat, radiatsiya va yadro xavfsizligini ta’minlash sohalarida davlat nazorati organlarining faoliyatini muvofiqlashtirish.

texnika va texnologiyalarning jadal rivojlanishini hisobga olgan holda sanoat, radiatsiya va yadro xavfsizligi hamda liftlar va attraksionlar xavfsizligi sohalarida faoliyatni amalga oshiruvchi mutaxassislarning malakasini oshirish;

sanoat, radiatsiya va yadro xavfsizligi, liftlar va attraksionlar xavfsizligi yo‘nalishlarida huquqbuzarlik holatlarini aniqlash hamda ularga nisbatan tezkor choralar ko‘rish yuzasidan idoralararo hamkorlikni yanada rivojlantirish;

sanoat, radiatsiya va yadro xavfsizligi, liftlar va attraksionlar xavfsizligi sohalarida aniqlangan huquqbuzarliklar va ularning oqibatlari to‘g‘risida keng jamoatchilikni xabardor qilib borish, sohada huquqni qo‘llash amaliyoti va qonun hujjatlarini takomillashtirish yuzasidan takliflar ishlab chiqish;

Qo‘mita faoliyatining asosiy yo‘nalishlari bo‘yicha xalqaro va xorijiy tashkilotlar bilan hamkorlikni amalga oshirish, shuningdek, soha faoliyatiga taalluqli bo‘lgan halqaro shartnomalar bo‘yicha O‘zbekiston Respublikasining majburiyatlari bajarilishini ta’minlash;

2. Qo‘mita unga yuklangan vazifalarga muvofiq quyidagi funksiyalarni amalga oshiradi:

a) nazorat ostidagi xavfli ishlab chiqarish ob’ektlarida sanoat xavfsizligini hamda atom energetikasi va yadro texnologiyalari ob’ektlarida radiatsiya va yadro xavfsizligini ta’minlash sohalarida yagona davlat siyosati yuritilishini muvofiqlashtirish va nazorat qilish sohasida:

xavfli ishlab chiqarish ob’ektlarida, shuningdek, xavfli ishlab chiqarish ob’ektlariga ega bo‘lgan xo‘jalik yurituvchi sub’ektlarda qo‘llaniladigan ishlab chiqarishlar (texnologiyalar), ob’ektlar va texnik qurilmalar ro‘yxatini ishlab chiqadi;

iqtisodiyotning tegishli tarmoqlarida sanoat, radiatsiya va yadro xavfsizligini ta’minlash tizimini takomillashtirish bo‘yicha takliflar tayyorlaydi;

xavfli ishlab chiqarish ob’ektlarida sanoat xavfsizligi ekspertizasi tizimini rivojlantirishni, atom energiyasidan foydalanish ob’ektlarining va (yoki) atom energiyasidan foydalanish sohasidagi faoliyatning xavfsizligini asoslash yuzasidan ekspertizani o‘tkazishni, shuningdek, atom energiyasidan foydalanish sohasida faoliyatni litsenziyalash tizimini tashkil etishda ishtirok etadi;

xavfli ishlab chiqarish ob’ektlarida qo‘llaniladigan texnik qurilmalarni hamda liftlar va attraksionlarini sertifikatlashni tashkil etadi;

o‘z vakolatlari doirasida ionlashtiruvchi nurlanish manbalarining davlat hisobi va nazoratini, ularning milliy reestri yuritilishini ta’minlaydi;

radiatsiyaviy avariyalarni prognoz qilish, barvaqt aniqlash va harakat qilish yagona davlat tizimida ishtirok etadi;

xavfli ishlab chiqarish ob’ektlari davlat reestrida xavfli ishlab chiqarish ob’ektlari hisobini yuritadi;

attraksionlarni ro‘yhatga oladi va yagona davlat reestrini yuritadi;

texnogen xavfi yuqori bo‘lgan zonalar davlat kadastrini yaratilishi, yuritilishini muvofiqlashtiradi va nazoratini olib boradi;

avariya holatining va ishlab chiqarish jarohatining oldini olish maqsadida sanoat, radiatsiya va yadro xavfsizligi talablariga rioya qilish zarurligi to‘g‘risida keng tushuntirish ishlari olib boradi;

sanoat xavfsizligi talablariga rioya etilishi ustidan ishlab chiqarish nazoratini tashkil etish to‘g‘risidagi ma’lumotlarni to‘playdi va tahlil qiladi;

nazorat ostidagi ob’ektlarda avariyalar, ishlab chiqarishda jarohatlanish, hollarining sabablarini belgilangan tartibda tekshiradi va hisobga oladi;

Respublika ijro etuvchi hokimiyat organlariga, mahalliy davlat hokimiyati organlariga, xo‘jalik boshqaruvi organlariga, fuqarolarning o‘zini o‘zi boshqarish organlariga atom energiyasidan foydalanish chog‘idagi xavfsizlik masalalari yuzasidan axborot beradi;

b) sanoat, radiatsiya va yadro xavfsizligini ta’minlash borasida respublika iqtisodiyotining asosiy tarmoqlarini yanada rivojlantirish bo‘yicha strategik reja va dasturlarni ishlab chiqishda ishtirok etish sohasida:

vazirliklar, idoralar va xo‘jalik birlashmalari bilan birgalikda sanoat, radiatsiya va yadro xavfsizligini ta’minlash yuzasidan sanoatning bazaviy tarmoqlarini yanada rivojlantirish bo‘yicha strategik rejalar va dasturlarga takliflarni ishlab chiqadi;

sanoat, radiatsiya va yadro xavfsizligini ta’minlash yuzasidan sanoatning bazaviy tarmoqlarini yanada rivojlantirish bo‘yicha tasdiqlangan davlat dasturlariga muvofiq sanoat, radiatsiya va yadro xavfsizligini ta’minlash ishlari olib borilishini nazorat qiladi;

radiatsiya va yadro xavfsizligini ta’minlash yuzasidan atom energiyasidan tinch maqsadlarda foydalanish sohasida davlat maqsadli dasturlari ishlab chiqilishi, ko‘rib chiqilishi va amalga oshirilishida ishtirok etadi;

v) sanoat, radiatsiya va yadro xavfsizligi hamda liftlar va attraksionlardan foydalanish borasidagi normativ-huquqiy hujjatlar loyihalari va texnik jihatdan tartibga solish sohasidagi normativ hujjatlarni belgilangan tartibda ishlab chiqish va qabul qilish sohasida:

sanoat, radiatsiya va yadro xavfsizligi, liftlar va attraksionlar xavfsizligi hamda Qo‘mita vakolatiga kiradigan boshqa masalalar bo‘yicha normativ-huquqiy hujjatlarni va normativ hujjatlarni belgilangan tartibda ishlab chiqadi va qabul qiladi;

radiatsiya va yadro xavfsizligini ta’minlash sohasida, yadro qurilmalarini, ionlashtiruvchi nurlanish manbalarini, yadro materiallarini, radioaktiv moddalar punktlarini va radioaktiv chiqindilar omborlarini jisman himoya qilish sohasida talablarni belgilaydigan normalar va qoidalar ishlab chiqilishini ta’minlaydi;

sanoat, radiatsiya va yadro xavfsizligi, liftlar va attraksionlar xavfsizligi talablari mavjud bo‘lgan normativ hujjatlar loyihalarini ko‘rib chiqadi va kelishishda ishtirok etadi;

g) sanoat, radiatsiya va yadro xavfsizligi hamda liftlar va attraksionlardan foydalanish borasidagi qonunchilik va texnik jihatdan tartibga solish sohasidagi normativ hujjatlar talablariga yuridik hamda jismoniy shaxslar tomonidan rioya etilishi ustidan davlat nazoratini va tekshiruvini amalga oshirish sohasida:

yuridik va jismoniy shaxslar tomonidan sanoat, radiatsiya va yadro xavfsizligi, liftlar va attraksionlar xavfsizligi borasidagi texnik jihatdan tartibga solish sohasida qonun hujjatlari va normativ hujjatlar talablariga rioya etilishi ustidan davlat nazorati va tekshiruvini amalga oshiradi;

xavfli ishlab chiqarish ob’ektlarida foydalaniladigan bug‘ va suv isitish qozonlarini, bosim ostida ishlaydigan idishlarni, bug‘ va issiq suv quvurlarini, ko‘tarish inshootlarini, yiliga bitta uskuna uchun 100 000 (yuz ming) va undan ortiq kubmetr (m³) tabiiy va suyultirilgan uglevodorod gazidan yoqilg‘i sifatida foydalanuvchi texnik qurilmalarni (uglevodorod xom ashyosini qazib olish va birlamchi kompleks tayyorlash va magistral gaz quvurlari ob’ektlari bundan mustasno) ro‘yxatga oladi va reestrini yuritadi;

gazdan qutqarish va avariya-dispetcherlik xizmatlari korxonalari, bo‘linmalarining sodir bo‘lishi mumkin bo‘lgan avariyalarni lokalizatsiya qilish va oqibatlarini tugatishga tayyorligini nazorat qiladi;

nazorat ostidagi korxonalar va ob’ektlarni foydalanishga qabul qilish bo‘yicha davlat va ishchi   guruh tarkibida ishtirok etish uchun o‘z vakillarini tayinlaydi, ushbu ob’ektlarda foydalanishga qabul qilish qoidalariga rioya etilishi ustidan nazorat qiladi;

xavfli ishlab chiqarish ob’ektidan foydalanishga tashkilotlarning tayyorligini, shuningdek, nazorat ostidagi ob’ektlarda avariyalar va ishlab chiqarish jarohatining oldini olish tadbirlari ishlab chiqilishi va o‘tkazilishini nazorat qiladi;

sanoat xavfsizligi deklaratsiyalari ishlab chiqilishi va taqdim etilishining to‘g‘riligi monitoringini olib boradi;

ishlab turgan va qurilayotgan xavfli ishlab chiqarish ob’ektlarida sanoat xavfsizligini deklaratsiyalashni nazorat qiladi;

atom energiyasidan foydalanish ob’ektlarining xavfsizligini ta’minlash ustidan davlat nazorati va tekshiruvini hamda atom energiyasidan foydalanish ob’ektlarining jisman himoya qilinishi ustidan belgilangan tartibda davlat nazoratini amalga oshiradi;

avariyaga oid tashqi rejani ishlab chiqishda ishtirok etadi hamda respublika ijro etuvchi hokimiyat organlarining va atom energiyasidan foydalanish sohasida faoliyatni amalga oshiruvchi boshqa yuridik shaxslarning avariyaga oid shayligi ustidan davlat nazoratini ta’minlaydi;

nazorat ostidagi ob’ektlar tomonidan sanoat, radiatsiya va yadro xavfsizligi, putur yetkazmaydigan nazorat bo‘yicha, shuningdek, liftlar va attraksionlar xavfsizligi borasidagi normativ-huquqiy hujjatlar va normativ hujjatlar bajarilishini ta’minlash bo‘yicha profilaktik ishlar olib boradi;

korxonalarda gaz-qutqaruv va avariya-dispetcherlik xizmatlarining bo‘lishi mumkin bo‘lgan avariyalarni tugatishga va ularning oqibatlarini bartaraf etishga tayyorligini nazorat qiladi;

d) sanoat xavfsizligini ekspertizadan va akkreditatsiyadan o‘tkazish tizimini takomillashtirish, shuningdek, atom energiyasidan foydalanish ob’ektlarining va (yoki) atom energiyasidan foydalanish sohasidagi faoliyatning xavfsizligini asoslash yuzasidan ekspertizadan o‘tkazishni tashkil etish sohasida:

sanoat xavfsizligi sohasida ekspert tashkilotlarini belgilangan tartibda akkreditatsiyadan o‘tkazadi va ular faoliyatini nazorat qiladi;

sanoat xavfsizligi sohasida berilgan ekspertiza xulosalarining yagona hisobini yuritadi;

sanoat xavfsizligi sohasida ekspertlarni attestatsiyadan o‘tkazadi va ular faoliyatini nazorat qiladi;

sanoat xavfsizligini boshqarish tizimi auditi o‘tkazish faoliyati bilan shug‘ullanuvchi tashkilotlarini akkreditatsiyadan o‘tkazadi;

atom energiyasidan foydalanish ob’ektlari va (yoki) atom energiyasidan foydalanish sohasida faoliyat turlari xavfsizligi ekspertizasini (xavfsizlikni asoslash ekspertizasini) tashkillashtiradi;

e) xavfli ishlab chiqarish ob’ektlarini identifikatsiyalash, hisobga olish va ularning davlat reestrini yuritish, sanoat xavfsizligini deklaratsiyalash tartibini tashkil etish va takomillashtirish, texnogen xavf yuqori bo‘lgan zonalar davlat kadastrini yuritish sohasida:

xavfli ishlab chiqarish ob’ektlarini identifikatsiyalashda, sanoat xavfsizligi deklaratsiyalari ishlab chiqilishida va taqdim etilishining to‘g‘riligi monitoringi bo‘yicha tartib va nizomlarni belgilashda ishtirok etadi;

ishlab turgan va qurilayotgan xavfli ishlab chiqarish ob’ektlarida sanoat xavfsizligini deklaratsiyalashni tartibini belgilashda ishtirok etadi;

yuqori texnik xavfli zonalarning davlat kadastri yuritilishini va muvofiqlashtirilishi tartibini belgilashda ishtirok etadi;

texnogen zonalarning davlat kadastri yuritilishi, shuningdek, texnogen xavfliligi yuqori bo‘lgan zonalar to‘g‘risidagi axborotning to‘planishi, tahlil qilinishi, hisobga olinishi va yangilanishi tartibini belgilashda ishtirok etadi;

 j) sanoat xavfsizligi va atom energiyasidan foydalanish sohalarida tegishli faoliyat turlarini litsenziyalash sohasida:

o‘z vakolatlari doirasida faoliyatning ayrim turlarini litsenziyalashda, kelishish ishlarida ishtirok etadi;

litsenziatlar tomonidan litsenziya talablari va shartlariga rioya qilinishini nazorat qiladi;

Qo‘mitaning vakolatiga kiradigan ishlarning ayrim turlariga belgilangan tartibda ruxsatnomalar beradi va ularni bekor qiladi;

ishlarning alohida mas’ul texnologik bosqichlarini, texnologik reglamentlarni kelishadi;

nazorat ostidagi ob’ektlarda sanoat xavfsizligi yuzasidan xorijiy texnologiyalar va uskunalarni qo‘llash mumkinligi to‘g‘risida ekspert xulosani ko‘rib chiqadi va tasdiqlaydi;

qonun hujjatlariga muvofiq xavfli yuklar tranzitida xulosalar beradi va nazoratni amalga oshiradi;

ekspluatatsiya qiluvchi tashkilot, shuningdek boshqa yuridik shaxs tomonidan atom energiyasidan foydalanish sohasidagi faoliyatni amalga oshirish jarayonida xavfsizlikni ta’minlash uchun zarur bo‘lgan majburiy talablarga, litsenziya shartlariga rioya etilishini nazorat qiladi;

z) sanoat, radiatsiya va yadro xavfsizligini ta’minlash sohalarida davlat nazorati organlarining faoliyatini muvofiqlashtirish sohasida:

xavfli ishlab chiqarish ob’ektlarini identifikatsiyalash, hisobga olish va ularning davlat reestrini yuritish, sanoat xavfsizligini deklaratsiyalash, texnogen xavf yuqori bo‘lgan zonalar davlat kadastrini yuritish sohalarida davlat nazorati organlarining faoliyatini muvofiqlashtiradi, hisobotlarini qabul qiladi va eshitadi, sanoat xavfsizligi sohasi bo‘yicha tegishli ko‘rsatmalar beradi;

xavfli ishlab chiqarish ob’ektlarida sodir bo‘lgan avariyalar, guruhiy, oqibati og‘ir va o‘lim bilan tugagan baxtsiz hodisalarni maxsus tekshirish va hisobini yuritish sohasida davlat nazorati organlarining faoliyatini sanoat xavfsizligi sohasi bo‘yicha muvofiqlashtiradi, hisobotlarini qabul qiladi va eshitadi, sanoat xavfsizligi sohasi bo‘yicha tegishli korxona rahbarlari ishtirokida Qo‘mita Ilmiy-texnik kengashida ko‘rib chiqadi, tegishli ko‘rsatmalar beradi;

i) texnika va texnologiyalarning jadal rivojlanishini hisobga olgan holda sanoat, radiatsiya va yadro xavfsizligi sohalarida faoliyatni amalga oshiruvchi mutaxassislarning malakasini oshirish sohasida:

sanoat xavfsizligi sohasida xodimlarning malakasini tizimli asosda oshiradi, shuningdek, texnika va texnologiyalarni dinamik rivojlantirishni hisobga olgan holda radiatsiya va yadro xavfsizligi sohasida mutaxassislar tayyorlashni tashkil etadi;

xavfli ishlab chiqarish ob’ektlari, sanoat, radiatsiya va yadro xavfsizligi, liftlar va attraksionlar xavfsizligi bo‘yicha xodimlarni tayyorlash (qayta tayyorlash) va attestatsiyadan o‘tkazish (bilimlarni tekshirish) tartibini ishlab chiqadi va tasdiqlaydi;

sanoat korxonalari va attraksionlarga masul xodimlarni malakasi oshirilishini tashkil etadi va ularning bilimlarini tekshirishda ishtirok etadi;

nazorat ostidagi ob’ektlar uchun xodimlar tayyorlash bo‘yicha kurslarni tashkil etadi, alohida xavfli ishlarni bajarish uchun tayyorgarlikdan o‘tgan shaxslardan imtihonlar qabul qiladi va tegishli guvohnomalar beradi;

atom energiyasidan foydalanish sohasida faoliyat olib boradigan ekspluatatsiya qiluvchi tashkilotlar va boshqa yuridik shaxslar xodimlarini belgilangan tartibda attestatsiyadan o‘tkazilishni tashkillashtiradi va attestatsiyadan o‘tkazishda ishtirok etadi;

k) sanoat, radiatsiya va yadro xavfsizligi, liftlar va attraksionlar xavfsizligi yo‘nalishlarida huquqbuzarlik holatlarini aniqlash hamda ularga nisbatan tezkor choralar ko‘rish yuzasidan idoralararo hamkorlikni yanada rivojlantirish sohasida:

sanoat, radiatsiya va yadro xavfsizligi, liftlar va attraksionlar xavfsizligi yo‘nalishlarida huquqbuzarlik holatlarini aniqlash hamda ularga nisbatan tezkor choralar ko‘rish yuzasidan idoralararo hamkorlik qiladi;

sanoat, radiatsiya va yadro xavfsizligi, liftlar va attraksionlar xavfsizligi qoidalarini buzish bilan bog‘liq aniqlangan huquqbuzarliklar bo‘yicha tezkor choralar ko‘radi;

sanoat, radiatsiya va yadro xavfsizligi, liftlar va attraksionlar xavfsizligi talablarini buzgan aybdor shaxslarni jinoiy javobgarlikka tortish to‘g‘risidagi masalani ko‘rib chiqish uchun materiallarni huquqni muhofaza qilish organlariga yuboradi;

l) sanoat, radiatsiya va yadro xavfsizligi hamda liftlar va attraksionlar xavfsizligi borasida aniqlangan huquqbuzarliklar va ularning oqibatlari to‘g‘risida keng jamoatchilikni xabardor qilib borish, sohada huquqni qo‘llash amaliyoti va qonunchilikni takomillashtirish yuzasidan takliflar ishlab chiqish sohasida:

liftlar va attraksionlar faoliyatini masofaviy nazorat qilish, huquqbuzarliklar to‘g‘risida xabar berish imkoniyatini beruvchi elektron platformasini yuritadi;

Qo‘mita mansabdor shaxslariga tekshiruv o‘tkazish vaqtida o‘z xizmat burchlarini bajarishiga to‘sqinlik qilgan shaxslarni ma’muriy javobgarlikka tortadi.

m) Qo‘mita faoliyatining asosiy yo‘nalishlari bo‘yicha xalqaro va xorijiy tashkilotlar bilan hamkorlikni amalga oshirish, shuningdek, soha faoliyatiga taalluqli bo‘lgan halqaro shartnomalar bo‘yicha O‘zbekiston Respublikasining majburiyatlari bajarilishini ta’minlash sohasida:

sanoatda, atom energetikasi va ilmiy tadqiqotlarda ishlarni xavfsiz olib borish ustidan nazorat qilish sohasida xalqaro hamkorlik qiladi, Qo‘mitaning vakolatiga kiradigan masalalar bo‘yicha xalqaro tashkilotlar, boshqa mamlakatlarning tegishli nazorat organlari bilan belgilangan tartibda aloqa va hamkorlik qiladi;

atom energiyasidan tinch maqsadlarda foydalanish, kimyoviy, bakteriologik (biologik) va zaharli qurol-yarog‘ni taqiqlash, shuningdek, kimyoviy, biologik, radiologik va yadro materiallarining ta’siri xavfini pasaytirish hamda davlatga qarashli bo‘lmagan sub’ektlarning ommaviy qirg‘in qurollari va ularni yetkazib berish vositalarini olishining oldini olish, shuningdek ularning noqonuniy aylanishiga barham berish bo‘yicha xalqaro shartnomalar bo‘yicha O‘zbekiston Respublikasining majburiyatlari bajarilishini ta’minlaydi.

3. Qo‘mita unga yuklangan vazifa va funksiyalarni bevosita hamda o‘zining tarkibiy bo‘linmalari orqali amalga oshiradi.