Radiatsiya va yadroviy xavfsizlik boʻyicha oʻquv kursi Buxoroda o'z ishini boshladi
2026-10-05 12:40:00 / Yangiliklar
Amerikaning Energetika vazirligi va Oʻzbekiston Respublikasining tegishli tashkilotlari bikan hamkorlikda tashkil qilinayotgan mazkur tadbir sohaga aloqador 11 ta vazirlik va idora vakillarini oʻzida jamlagan.
Tadbirning ochilishida AQSh Energetika vazirligi vakillari Sh.Xefernan, A.Bekerra, P.Kolbas oʻquv kursini tashkil etishdagi oʻzaro samarali hamkorlik uchun barcha hamkor tashkilotlarga minnatdorchilik bildirishdi.
Oʻquv kursi davomida asosiy eʼtibor radiatsiya va yadroviy xavflarni aniqlash hamda ularga tezkor javob qaytarish boʻyicha idoralararo hamkorlikni kuchaytirish, masʼul tuzilmalarning amaliy salohiyatini oshirish va radioaktiv materiallarning noqonuniy aylanishiga qarshi kurashish mexanizmlarini takomillashtirishga qaratiladi.
Tadbir davomida ishtirokchilar, jumladan, qo'mita xodimlari bu boradagi xalqaro tajriba bilan yaqindan tanishish imkoniyatiga ega boʻladilar. Amaliy mashgʻulotlar doirasida esa idoralararo tezkor harakatlar rejasini ishlab chiqish hamda favqulodda holatlarda samarali hamkorlik qilish koʻnikmalarini mustahkamlashadi.