O'zbekiston Respublikasi Vazirlar Mahkamasi huzuridagi Sanoat, radiatsiya va yadro xavfsizligi qo‘mitasi

📍 Sirdaryo viloyati misolida, Sanoat, radiatsiya va yadro xavfsizligi qo‘mitasi Sirdaryo hududiy bo‘limi mutaxassislari huquqni muhofaza qiluvchi va nazorat qiluvchi davlat organlari vakillari bilan hamkorlikda Guliston shahridagi “Guliston istirohat bog‘i”da o‘rganish ishlarini olib bordi.
O‘rganishlar davomida ayrim attraksionlarda elektr simlari va jihozlaridagi nosozliklar, yong‘in xavfsizligi vositalarining mavjud emasligi, yoritish vositalarining talab darajasida o‘rnatilmagani hamda tashrif buyuruvchilar xavfsizligiga tahdid solishi mumkin bo‘lgan boshqa holatlar aniqlandi.
Aniqlangan xavfli holatlar sababli “Dragon” attraksioni kamchiliklar to‘liq bartaraf etilgunga qadar foydalanishdan to‘xtatildi. “Veterok” attraksionida aniqlangan kamchiliklarni bartaraf etish yuzasidan mas’ullarga tegishli ko‘rsatmalar berildi.

🛡Asosiy maqsad — xavfni oldindan aniqlash va uning oldini olish.
Ayni paytda respublika hududlarida bayram tadbirlariga tayyorgarlik jarayonida xavfsizlik holatini o‘rganish va aniqlangan kamchiliklarni bartaraf etish bo‘yicha ishlar davom ettirilmoqda.

🇺🇿 Mustaqillik bayrami — xavfsizlik va osoyishtalik bilan yanada fayzli!