O'zbekiston Respublikasi Vazirlar Mahkamasi huzuridagi Sanoat, radiatsiya va yadro xavfsizligi qo‘mitasi

Qurilish va uy joy kommunal xo‘jaligi vazirligi bilan birgalikda yaratilgan “Xavfsiz lift” elektron platformasiga Ko‘p kvartirali uylarda amalga oshirilgan xatlov natijasida barcha 18 032 ta liftlar bo‘yicha ma’lumotlar jamlandi. O‘tgan davrda ko‘p kvartirali uylarda o‘rnatilgan 17 144 ta lift texnik ko‘rikdan o‘tkazilishi ta’minlandi, 4 871 ta yangi o‘rnatilgan liftlar ro‘yxatga olindi.

Ijtimoiy soha ob’ektlarida imkoniyati cheklanganlar uchun yangidan o‘rnatilgan 217 ta ko‘targich “Eko tizim” elektron platforma orqali ro‘yxatga olindi. Jami 21 ta normativ huquqiy hujjat loyihasi(4 ta qonun, 15 ta Vazirlar Mahkamasi qarori, 2 ta idoraviy) ishlab chiqildi va 8 ta Vazirlar Mahkamasi qarori va 2 ta idoraviy normativ huquqiy hujjat tasdiqlandi.Jami 2 037 ta nazorat va 21 960 ta profilaktika tadbirlari o‘tkazildi. 14 ta yo‘nalishda 7 021 ta davlat xizmatlari ko‘rsatildi. Sanoat xavfsizligi bo‘yicha zamonaviy raqamli o‘quv platformasi ishlab chiqildi. Ushbu platforma orqali 7 834 nafar rahbar va muhandis-texnik xodim qayta tayyorlash va malaka oshirish kurslaridan o‘tkazildi.

II. Radiatsiya va yadro xavfsizligi yo‘nalishida:

RITM-200N reaktor qurilmali AESning 1 va 2-energobloklarini joylashtirishda va barpo etishda yadroviy, radiatsiyaviy xavfsizlikni asoslash bo‘yicha hujjatlar baholandi, ekspertiza xulosalari tayyorlandi hamda maydonchadan foydalanishga ruxsatnoma, AESni barpo etishga litsenziya berildi;

AES qurilish hududida radiatsiya va yadro xavfsizligini ta’minlash talablariga rioya etilishi yuzasidan 6 ta o‘rganish ishlari amalga oshirildi;

AES qurilishida xavfsizlikni nazorat qilishda ekspertlar ko‘magidan foydalanish maqsadida xorijiy maslahatchi jalb qilindi.Radiatsiya va yadro xavfsizligi bo‘yicha 28 ta normativ hujjat ishlab chiqib tasdiqlandi. “Radioaktiv chiqindilar bilan muomalada bo‘lish to‘g‘risida”gi va “Kimyoviy xavfsizlik to‘g‘risida”gi qonun loyihalari ishlab chiqildi.

Jami 331 ta nazorat va 2 558 ta profilaktika tadbirlari amalga oshirildi. Nazorat qamrovi 55 foizdan 90 foizga oshirildi. 5 ta yo‘nalishda 1 782 ta davlat xizmatlari ko‘rsatildi.

 Xalqaro hamkorlikni rivojlantirish:

Atom energiyasi bo‘yicha xalqaro agentlik (AEXA) Bosh direktori R.Grossiga O‘zbekiston Respublikasi tomonidan yadroviy xavfsizlik bo‘yicha 4 ta konvensiyaga qo‘shilganlik to‘g‘risidagi yorliqlar topshirildi;

AEXA 6,1 mln. yevrolik 3 ta loyihalar amalga oshirilib, muvaffaqiyatli yakunlandi, 6,2 mln. yevrolik 8 ta loyihalari amalga oshirilmoqda;

Yadroviy xavfsizlik to‘g‘risidagi konvensiyaning bajarilishi bo‘yicha O‘zbekiston Respublikasining 1-milliy dokladi AEXAda muvaffaqiyatli himoya qilindi;

Xitoy, Turkiya va Pokistonning radiatsiya hamda yadro xavfsizligini tartibga soluvchi organlari bilan hamkorlik memorandumlari imzolandi;

AEXAning “INIR Follow up” missiyasi o‘tkazilib O‘zbekistonning yadroviy infratuzilmasini rivojlanish darajasi baholandi;

Grant mablag‘lari xisobidan vazirlik va idoralarning 112 ta mutaxassislari rivojlangan chet el davlatlarida bilimlarini oshirishi ta’minlandi;

Qo‘mita huzuridagi “Radiatsiya va yadro xavfsizligi ilmiy-texnik markazi” davlat muassasasi tomonidan Rostexnadzor (Rossiya Federatsiyasi), Gosatomnadzor (Belorussiya), Norvegiya tartibga soluvchi organining ilmiy texnik qo‘llab quvvatlash markazlari bilan hamkorlik memorandumlari imzolandi.

III. 2026 yil yakuniga qadar amalga oshiriladigan dolzarb vazifalar.

Xavfli ishlab chiqarish ob’ektlarining nazorati to‘liq qamrab olinshi belgilandi.

Nazorat ostidagi ob’ektlarda 16 600 ta profilaktika tadbiri o‘tkaziladi.

 “Yagona integratsiyalashgan ekotizim” axborot tizimi tahlili natijasi asosida xavf darajasi o‘rta bo‘lgan ob’ektlarni xavf darajasi past toifaga o‘tkazish choralari ko‘riladi.

API RP 580–“Elements of a Risk-Based Inspection Program” standartini milliy amaliyotga implementatsiya qilish va uning asosida xavfga asoslangan inspeksiya tizimi joriy etiladi;

Bosim ostida ishlaydigan uskuna, mashina va qurilmalar, shuningdek, portlash xavfi mavjud muhitlarda qo‘llanadigan asbob-uskuna va attraksionlar xavfsizligini ta’minlashga qaratilgan yangi normativ hujjatlarni ishlab chiqish maqsadida Turkiya, Janubiy Koreya va Yevropa Ittifoqi davlatlarining ilg‘or tajribasi o‘rganiladi;

Xavfli ishlab chiqarish ob’ektlaridagi 8 ming nafar muhandis-texnik xodimlar zamonaviy talablar asosida o‘qitilib, malakasi oshiriladi.

20 ta normativ hujjatlar ishlab chiqiladi.

AQSh, Vengriya, Gruziya va Finlyandiyaning radiatsiya, yadro xavfsizligini tartibga soluvchi organlari bilan hamkorlik memorandumlari imzolanadi.

RITM-200N reaktor qurilmali AESning 1 va 2-energobloklarini qurishda yadroviy va radiatsiyaviy xavfsizlikni asoslash bo‘yicha hujjatlarining tahlil qilish, baholash va ekspertizadan o‘tkazish tashkillashtiriladi. AES qurilishi hududida doimiy nazorat yo‘lga qo‘yiladi.        

                                                                                                           Ахборот хизмати  +998909904266