Sirdaryoda gaz to‘ldirish kompressor shoxobchalarida xavfsizlik talablari yuzasidan profilaktik tadbirlar o‘tkazildi
2026-07-08 18:00:00 / Yangiliklar
🏛 Sanoat, radiatsiya va yadro xavfsizligi qo‘mitasi Sirdaryo hududiy bo‘limi tomonidan sohada xavfsizlik talablariga rioya etilishini ta’minlash va profilaktik nazorat tadbirlarini kuchaytirish bo‘yicha tizimli ishlar davom ettirilmoqda.
Shu maqsadda Sirdaryo viloyati IIB JXX YHXB xodimlari, Qo‘mitaning Sirdaryo hududiy bo‘limi hamda “O‘zenergoinspeksiya” Sirdaryo viloyati hududiy boshqarmasi mutaxassislari hamkorligida avtomobillarga gaz to‘ldirish kompressor shoxobchalarida navbatdagi profilaktik targ‘ibot tadbirlari tashkil etildi.
➡️ Tadbirlar davomida transport vositalariga siqilgan tabiiy gaz quyish jarayonida belgilangan texnik me’yorlar va xavfsizlik qoidalariga qat’iy rioya etilishi yuzasidan tushuntirish ishlari olib borildi.
🔹 Mutaxassislar tomonidan gaz quyish uskunalarining texnik holati, gaz bosimining amaldagi me’yorlarga muvofiqligi hamda iste’molchilarga ko‘rsatilayotgan xizmat sifati o‘rganildi.
⚠️ Ta’kidlandiki, avtomobillarga gaz to‘ldirish kompressor shoxobchalarida xavfsizlik qoidalariga rioya etish nafaqat texnik talab, balki fuqarolar hayoti va salomatligini muhofaza qilishning muhim shartidir.
✅ Sanoat, radiatsiya va yadro xavfsizligi qo‘mitasi tomonidan xavfli ishlab chiqarish obyektlarida sanoat xavfsizligini ta’minlash, baxtsiz hodisalarning oldini olish hamda mas’ul xodimlarning hushyorligini oshirishga qaratilgan profilaktik tadbirlar izchil davom ettiriladi.
🌐 Sanoat, radiatsiya va yadro xavfsizligi qo‘mitasi Axborot xizmati