O'zbekiston Respublikasi Vazirlar Mahkamasi huzuridagi Sanoat, radiatsiya va yadro xavfsizligi qo‘mitasi

📌 Joriy yilning 17-iyun kuni O‘zbekiston Respublikasi Prezidenti Shavkat Mirziyoyev va Germaniya Federal Prezidenti Frank-Valter Shtaynmayer o‘rtasida bo‘lib o‘tgan muzokaralar yakunida qo‘shma bayonot qabul qilinib, ikki mamlakat o‘rtasidagi ko‘p qirrali hamkorlikni yanada kengaytirishga qaratilgan qator investitsiyaviy loyihalarga start berildi. (president.uz)

🏭 Xususan, Toshkent shahrida "Volkswagen" avtomobillarini yirik uzelli yig‘ish, Andijon viloyatida logistika markazini barpo etish, zamonaviy kimyo mahsulotlari ishlab chiqarishni yo‘lga qo‘yish, temir yo‘l sohasi uchun malakali mutaxassislar tayyorlash hamda boshqa istiqbolli loyihalarni amalga oshirish rejalashtirilgan. Mazkur tashabbuslar mamlakatimiz sanoat salohiyatini oshirish, yangi ish o‘rinlarini yaratish va ilg‘or texnologiyalarni joriy etishga xizmat qiladi. (president.uz)

⚙️ Zamonaviy sanoat obyektlarini barpo etish bilan bir qatorda, ularda sanoat, radiatsiya va yadro xavfsizligi talablariga qat'iy rioya etilishi ham ustuvor vazifa hisoblanadi. Xavfli ishlab chiqarish obyektlarini loyihalash, qurish, ishga tushirish va ekspluatatsiya qilish jarayonlarida amaldagi qonunchilik hamda normativ-texnik hujjatlar talablariga rioya etish avariyalar va baxtsiz hodisalarning oldini olishning muhim omilidir.

👷 Sanoat, radiatsiya va yadro xavfsizligi qo‘mitasi tomonidan zamonaviy ishlab chiqarish korxonalarida xavfsizlik madaniyatini yuksaltirish, texnologik jarayonlar ustidan nazoratni kuchaytirish hamda mutaxassislarning malakasini oshirish bo‘yicha tizimli ishlar amalga oshirilmoqda.

✅ Zamonaviy texnologiyalar, ilg‘or xorijiy tajriba va yuqori darajadagi sanoat xavfsizligi talablarining uyg‘unligi O‘zbekistonda barpo etilayotgan yangi sanoat obyektlarining ishonchli, xavfsiz va barqaror faoliyat yuritishini ta'minlaydi.

🏭 Sanoat xavfsizligi — innovatsion rivojlanish, barqaror ishlab chiqarish va inson hayotini muhofaza qilishning ishonchli kafolatidir.

🌐  Sanoat, radiatsiya va yadro xavfsizligi qo‘mitasi Axborot xizmati