📚 Sirdaryo viloyatida sanoat xavfsizligi bo‘yicha o‘quv-seminar tashkil etildi
2026-06-18 09:00:00 / Yangiliklar
👨🏫 Seminar davomida xavfli ishlab chiqarish obyektlaridan foydalanuvchi tashkilotlarning rahbarlari hamda muhandis-texnik xodimlariga O‘zbekiston Respublikasi Vazirlar Mahkamasining 2025-yil 21-yanvardagi 26-son qarori talablari asosida xodimlarni tayyorlash, qayta tayyorlash, malakasini oshirish va attestatsiyadan o‘tkazish tartiblari yuzasidan batafsil tushuntirishlar berildi.
📖 Shuningdek, ishtirokchilarga "Sanoat xavfsizligi to‘g‘risida"gi Qonun, sohaga oid qonunosti hujjatlari hamda normativ-texnik hujjatlarning mazmun-mohiyati, ishlab chiqarish jarayonlarida yuzaga kelishi mumkin bo‘lgan xavf va tavakkalchiliklar, baxtsiz hodisalar hamda avariyalarning oldini olish bo‘yicha zamonaviy yondashuvlar yuzasidan amaliy tavsiyalar taqdim etildi.
💬 Seminar yakunida ishtirokchilar o‘zlarini qiziqtirgan savollarga mutaxassislar tomonidan batafsil javob oldilar. Shu bilan birga, sanoat xavfsizligi talablariga qat’iy rioya etish ishlab chiqarish jarayonlarining uzluksizligi, xodimlar hayoti va salomatligini muhofaza qilishning muhim omili ekani alohida ta’kidlandi.
⚙️ Sanoat xavfsizligi — barqaror va xavfsiz ishlab chiqarishning eng muhim kafolatidir.
🤝 Xavfsizlik madaniyatini yuksaltirish — har bir mas'ul tashkilot va mutaxassisning ustuvor vazifasidir.
🌐 Sanoat, radiatsiya va yadro xavfsizligi qo‘mitasi Axborot xizmati