O'zbekiston Respublikasi Vazirlar Mahkamasi huzuridagi Sanoat, radiatsiya va yadro xavfsizligi qo‘mitasi

Atom energetikasini rivojlantirish yo‘nalishida huquqiy, tashkiliy va texnik asoslar bosqichma-bosqich amaliyotga joriy etilmoqda.
AES qurilishi bilan bog‘liq jarayonlarda yadroviy va radiatsiyaviy xavfsizlikni ta’minlash ustidan nazorat O‘zbekiston Respublikasi Vazirlar Mahkamasi huzuridagi Sanoat, radiatsiya va yadro xavfsizligi qo‘mitasiga yuklatilgan.
📄 O‘tgan davrda “Atom elektr stansiyasi qurilishi direksiyasi” davlat muassasasi tomonidan taqdim etilgan loyiha hujjatlari Qo‘mita huzuridagi Radiatsiya va yadro xavfsizligi ilmiy-texnik markazi tomonidan kompleks o‘rganildi.
✅ Ushbu o‘rganishlar natijasida joriy yilning 23-mart kuni AES qurilishi uchun ajratilgan yadroviy qurilmalarni joylashtirish maydonchasidan foydalanishga ruxsatnoma berilgan edi.
🔍 Shuningdek, RITM-200N yadroviy qurilmali AES energobloklarini barpo etishga oid hujjatlar, loyiha yechimlari va xavfsizlikni asoslash materiallari amaldagi qonunchilik, xorijiy tajriba hamda Atom energiyasi bo‘yicha xalqaro agentlik tavsiyalari asosida ko‘rib chiqildi.
🌐 Mazkur loyihalarni ko‘rib chiqish jarayoniga xorijiy ekspertlar, xalqaro tashkilot mutaxassislari, xususan, Rossiya Federatsiyasining radiatsiya va yadro xavfsizligi ilmiy-texnik markazi yetakchi mutaxassislari ham jalb etildi.
📌 Navbatdagi bosqich doirasida bugun Qo‘mitada tashkil etilgan Kengashda RITM-200N yadroviy qurilmali AES energoblokini barpo etish bo‘yicha litsenziya berish to‘g‘risida qaror qabul qilindi.
🏗 AES qurilishi loyihasini amalga oshirish davomida litsenziya shartlarining bajarilishi, qurilish jarayonida xavfsizlik talablariga qat’iy rioya etilishi hamda aholi va atrof-muhit xavfsizligini ta’minlash ustidan Qo‘mita tomonidan doimiy davlat nazorati amalga oshirib boriladi.

🌐  Sanoat, radiatsiya va yadro xavfsizligi qo‘mitasi Axborot xizmati