🏆 Futbol bo'yicha o'tkazilgan musobaqa g'oliblari aniqlandi!
2026-05-25 09:00:00 / Yangiliklar
"Pakhtakor Junior" stadionida bo‘lib o‘tgan shiddatli va murosasiz bahslar yakuniga ko‘ra, g‘olib va sovrindorlar nomi ma'lum bo‘ldi. Jamoalar maydonda nafaqat jismoniy tayyorgarlik, balki kuchli taktik o‘yin va yuksak irodani namoyish etishdi.
Musobaqa g'oliblari
Murosasiz va shiddatli kechgan o'yinlar natijasiga ko'ra shohsupadan quyidagi jamoalar joy oldi:
1-o‘rin (Chempion): Buxoro hududiy boshqarmasi jamoasi.
2-o‘rin: Markaziy apparat jamoasi.
3-o‘rin: Radiatsiya va yadro xavfsizligi ilmiy-texnik markaz jamoasi.
Shaxsiy nominatsiyalar g'oliblari
Turnir davomida o'zining individual mahorati va chiroyli o'yinlari bilan ajralib turgan xodimlar ham alohida e'tirof etildi. Ularning maydondagi harakatlari muxlislar va hakamlar hay’ati tomonidan yuqori baholandi:
"Eng yaxshi o‘yinchi" — Dehqonov Shaxriyor
"Eng yaxshi darvozabon" — O'ktamov Shuhrat
"Eng yaxshi to‘purar" — Badriddinov Olmos
Taqdirlash marosimi
Tadbir so'nggida tantanali taqdirlash marosimi bo'lib o'tdi. Musobaqaning yopilish qismida Qo‘mita rahbariyati shaxsan ishtirok etib, barcha ishtirokchilarni chiroyli o'yin bilan tabrikladi. Prezidentimiz tomonidan olg‘a surilayotgan ommaviy sport targ‘iboti bunday tadbirlar orqali jamoani yanada jipslashtirishi va xodimlarning ish unumdorligiga ijobiy ta'sir ko'rsatishi alohida ta'kidlandi.
Qo‘mita sport targ‘ibotchisi M. Mirziyodovning ta'kidlashicha, xodimlar o'rtasida sog'lom turmush tarzini qamrab oluvchi bunday musobaqalar an'anaviy tarzda davom ettiriladi va kelgusida sportning boshqa turlari bo'yicha ham turnirlar tashkil etilishi rejalashtirilgan.
G‘olib jamoalar va nominantlarga "Qo‘mita raisi kubogi", maxsus medallar, diplom hamda qimmatbaho esdalik sovg‘alari tantanali ravishda topshirildi.
Barcha g‘oliblarni chin dildan muborakbod etamiz va kelgusi ishlarida, shuningdek, sportdagi faoliyatlarida yangidan-yangi zafarlar tilab qolamiz!
🌐 Sanoat, radiatsiya va yadro xavfsizligi qo‘mitasi Axborot xizmati