🎢 Sirdaryo viloyati Guliston shahrida attraksionlar xavfsizligi bo‘yicha amaliy o‘quv-seminar o‘tkazildi
2026-05-20 18:00:00 / Yangiliklar
🗓 Xususan, joriy yilning 20-may kuni Sanoat, radiatsiya va yadro xavfsizligi qo‘mitasi Sirdaryo hududiy bo‘limi tashabbusi bilan Sirdaryo viloyati Favqulodda vaziyatlar boshqarmasi mas’ul xodimlari bilan hamkorlikda navbatdagi profilaktik tadbir tashkil etildi.
📍 Amaliy o‘quv-seminar Guliston shahrida joylashgan "GULISTON ISTIROHAT BOG‘I" davlat muassasasiga qarashli markaziy xiyobon hududida o‘tkazildi.
Tadbir davomida mutaxassislar tomonidan quyidagi muhim masalalarga e’tibor qaratildi:
🛡 Favqulodda holatlarning oldini olish: Attraksionlardan foydalanish jarayonida yuz berishi mumkin bo‘lgan avariya va turli baxtsiz hodisalarni barvaqt aniqlash hamda ularni bartaraf etish choralari muhokama qilindi.
👨👩👧👦 Tashrif buyuruvchilar xavfsizligi: Istirohat bog‘iga keluvchi fuqarolar, ayniqsa, yosh bolalarning hayoti va sog‘lig‘ini asrash uchun zarur bo‘lgan barcha xavfsizlik choralarini ko‘rish yuzasidan tavsiyalar berildi.
🗣 Ko‘rgazmali yo‘riqnomalar: Bog‘ning mas’ul xodimlari, muhandislar va attraksion operatorlariga uskunalar bilan ishlashda xavfsizlik talablariga qat’iy rioya etish bo‘yicha amaliy va ko‘rgazmali tushuntirish ishlari olib borildi.
❗️ Sanoat, radiatsiya va yadro xavfsizligi qo‘mitasi eslatib o‘tadi: Attraksionlar va ko‘ngilochar qurilmalardan foydalanishda xavfsizlik texnikasi qoidalariga so‘zsiz amal qilish — har qanday noxush holatlarning oldini olish va fuqarolar xavfsizligini ta'minlashning asosiy kafolatidir!
🌐 Sanoat, radiatsiya va yadro xavfsizligi qo‘mitasi Axborot xizmati