O'zbekiston Respublikasi Vazirlar Mahkamasi huzuridagi Sanoat, radiatsiya va yadro xavfsizligi qo‘mitasi

🇺🇿 Ta’kidlash joizki, bunday tadbirlar muhtaram Prezidentimiz Shavkat Mirziyoyev raisligida sport sohasini yangi bosqichga olib chiqish va aholini ommaviy sportga keng jalb etish bo‘yicha belgilab berilgan ustuvor vazifalarning amaldagi ifodasidir. Davlatimiz rahbari ta’kidlaganidek: "Sport — nafaqat musobaqa, balki sog‘lom turmush tarzi, intizom, vatanparvarlik va mamlakat nufuzini namoyon etadigan katta kuchdir".

🏰 Ishtirokchilar qadimiy Ark qal’asi yonidan start olib, fonarlar va me’moriy yoritgichlar bilan bezatilgan tarixiy ko‘chalar, muhtasham minoralar va savdo gumbazlari osha o‘zgacha muhitda yugurishdi.

Qo‘mitaning sport masalalari bo‘yicha mas’ul xodimi M. Mirziyodov tadbir davomida o‘z taassurotlari bilan o‘rtoqlashdi:

"Bugungi ishtirokimiz Prezidentimiz tomonidan davlat organlarida sportni ommalashtirish bo‘yicha belgilangan yangi tartibga hamohangdir. Sanoat xavfsizligi sohasida mehnat qilayotgan har bir mutaxassis uchun jismoniy chidamlilik va tetiklik nihoyatda zarur. Endilikda haftaning bir kuni 'Sport kuni' sifatida belgilangan bo‘lib, bu biz kabi xizmatchilarning nafaqat salomatligini tiklash, balki ish samaradorligini oshirishda ham asosiy poydevor bo‘lib xizmat qiladi", — deya ta’kidladi M. Mirziyodov.

🏆 Mazkur marafon Qo‘mita xodimlari uchun yil davomida o‘tkazilishi rejalashtirilgan vazirliklar va idoralararo respublika birinchiliklariga o‘ziga xos tayyorgarlik bosqichi bo‘ldi. Bu kabi sport tadbirlari xodimlar o‘rtasida jamoaviy ruhni mustahkamlash bilan birga, sog‘lom raqobat va intizom muhitini shakllantirishga xizmat qiladi.

Tadbir yakunida ishtirokchilar uchun maxsus musiqiy dastur tashkil etildi. Qo‘mita jamoasi bundan buyon ham sport tadbirlarida o‘z o‘rnagi bilan faol ishtirok etishda davom etadi.

🌐 Sanoat, radiatsiya va yadro xavfsizligi qo‘mitasi Axborot xizmati