Sanoat, radiatsiya va yadro xavfsizligi qoʻmitasida Toshkent shahar hududiy boshqarmasi boshchiligida ishchi yigʻilish boʻlib oʻtdi.
2025-12-17 20:30:00 / Yangiliklar
🛗 Asosiy masala — texnik koʻrikdan oʻtmagan lift uskunalaridagi kamchiliklarni bartaraf etish va ularni texnik sinovdan oʻtkazish chora-tadbirlari muhokama qilindi.
ℹ️ Maʼlumot uchun:
Vazirlar Mahkamasining 2017-yil 6-oktabrdagi 801-son qarori bilan tasdiqlangan “Liftlarning xavfsizligi boʻyicha umumiy texnik reglament”ga muvofiq, liftlar kamida har 12 oyda bir marotaba maxsuslashgan tashkilot tomonidan texnik koʻrikdan oʻtkazilishi va natijalari lift pasportida qayd etilishi shart.
🏗 Yigʻilishda, 2025-yilda yangi Oʻzbekiston massivlari doirasida qurilishi rejalashtirilgan, biroq muddatlarida kechikayotgan Toshkent shahri Sergeli tumanidagi 8 ta koʻp kvartirali uyda oʻrnatilishi rejalashtirilgan 16 ta lift uskunalarini oʻrnatishni jadallashtirish boʻyicha metodik yordam koʻrsatildi.
⚠️ Shuningdek, Vazirlar Mahkamasining 2025-yil 17-fevraldagi 98-son qarori asosida xavfsiz lift platformasiga joylashtirilishi lozim boʻlgan liftlar boʻyicha ishlar juda sust olib borilayotgani qayd etildi.
(Toshkent shahrida mavjud 452 ta lift qurilmasidan hozirga qadar atigi 4 tasi platformaga kiritilgan.)
📋 Yigʻilish yakunida, 2025-yilga moʻljallangan taʼmirlash va almashtirishga muhtoj liftlar boʻyicha tasdiqlangan manzilli roʻyxat asosida barcha tumanlarda amalga oshirilayotgan ishlarni jadallashtirish masalalari kelishib olindi.
—
📢 Xavfsizlik — ustuvor vazifa!