Botir Zokirov nomidagi milliy estrada simfonik orkestrining "Botir Zokirov qo‘shiqlari" nomli konserti bo'lib o'tdi
2024-09-26 13:00:00 / Yangiliklar
25-sentabr kuni Botir Zokirov nomidagi milliy estrada simfonik orkestrining "Botir Zokirov qo‘shiqlari" nomli konserti bo'lib o'tdi.
Unda, taniqli san’atkorlar, jamoatchilik vakillari hamda talabalar ishtirok etishdi.
Orkestr repertuaridan O‘zbekiston xalq artisti Botir Zokirov qo‘shiqlari, O‘zbekiston kompozitorlarining asarlari, estrada yo‘nalishidagi klassik musiqalar va yangi sayqal berilgan zamonaviy estrada qo‘shiqlari o‘rin oldi.
Ma’lumot o’rnida, Prezidentning “O‘zbekiston xalq artisti Botir Zokirov tavalludining 85 yilligini keng nishonlash to‘g‘risida”gi qaroriga asosan, O‘zbekiston davlat filarmoniyasining Milliy estrada-simfonik orkestri bilan Botir Zokirov nomidagi estrada orkestri birlashtirilib, Botir Zokirov nomidagi milliy estrada-simfonik orkestrini tashkil etildi. Shu yildan boshlab, orkestr faoliyatining yangi bosqichi boshlandi.
Bugun jamoa yosh avlodni ma’naviy tarbiyalash borasida katta ishlar olib borib, mamlakatdagi yirik konsert saroylari va maydonlarida, nufuzli davlat bayramlarida taassurotli konsertlar taqdim etib kelmoqda.