5-avgust kuni madaniyat vaziri Ozodbek Nazarbekov boshchiligida 2024-yilning I yarim yilligida amalga oshirilgan ishlar, ularning natijalari va II yarim yillikda oldimizda turgan ustuvor vazifalar yuzasidan hay’at yig‘ilishi bo‘lib o‘tdi.

Unda, madaniyat vazirining birinchi o‘rinbosari Avazxon Tadjixanov, madaniyat vaziri o‘rinbosarlari Murodjon Majidov hamda Yusufjon Usmonov, Madaniyat vazirligi markaziy apparati xodimlari, hududiy tizim rahbarlari hamda tizim tashkilotlari rahbarlari ishtirok etishdi. 

Yig‘ilishni madaniyat vazir Ozodbek Nazarbekov kirish so‘zi bilan ochib, madaniyat va san’at sohasini isloh qilish, uni yanada rivojlantirish masalasi yuzasidan prezident tomonidan juda katta e’tibor qaratib kelinayotganligi hamda bu borada 2023-yil 22-dekabr kuni o‘tkazilgan Respublika Ma’naviyat va ma’rifat kengashining kengaytirilgan yig‘ilishida bir qator ustuvor vazifalarni belgilab berilganligi, ularning ijrosi yuzasidan hozirda amaliy sa’y-harakatlar olib borilayotganligi haqida alohida ta’kidlandi.

Shu bilan birga, “O‘zbekiston-2030” strategiyasini “Yoshlar va biznesni qo‘llab-quvvatlash yili”da amalga oshirishga oid Davlat dasturida bir qancha muhim vazifalar ko‘rsatib o‘tilganligi va ushbu topshiriqlar ijrosi yuzasidan 2024 yilning I yarim yilligida amalga oshirilgan ishlar, ularning natijalari va II yarim yillikda vazirlik oldida turgan ustuvor vazifalar atroflicha muhokama etildi.

So‘ng, madaniyat vazirining birinchi o‘rinbosari Avazxon Tadjixanov so‘zga chiqib, kun tartibidagi “Teatr, sirk, ta’lim muassasalari va madaniyat markazlari tomonidan amalga oshirilgan ishlar, ularning natijadorligi hamda kelgusidagi rejalar to‘g‘risida”gi masalalar yuzasidan nutq so‘zlab, masalalar tanqidiy ko‘rib chiqildi. 

Yig‘ilish davomida madaniyat vaziri o‘rinbosari Murodjon Madjidov so‘zga chiqib, yig‘ilish kun tartibidagi “Ijro intizomini mustahkamlash hamda sohani raqamlashtirish va axborot xavfsizligini ta’minlash borasida amalga oshirilayotgan ishlar va kelgusi rejalar to‘g‘risida”gi masalalar yuzasidan hududlarda ijro intizomi va ish yuritish bo‘yicha sustkashlikka yo‘l qo‘yilmasligi lozimligini ta’kidladi.

Hay’at yig‘ilishi davomida madaniyat vaziri o‘rinbosari Yusufjon Usmonov so‘zga chiqib, “Investisiyalarni jalb qilish, davlat-xususiy sheriklikni rivojlantirish, qayta tiklanuvchi energiya manbalarini o‘rnatish, hamda “Yashil makon” loyihasini amalga oshirish bo‘yicha olib borilgan ishlar va kelgusidagi rejalar to‘g‘risida”gi masala yuzasidan nutq so‘zladi, masalalar yuzasidan nutq so‘zlab, tanqidiy muhokama qildi. 

Shuningdek, vazirlik markaziy apparatining bo‘linma rahbarlari ham hay’at yig‘ilishida o‘z yo‘nalishlari bo‘yicha muammo va takliflari yuzasidan so‘zga chiqishdi.    

Yuqoridagilarni inobatga olgan holda kun tartibidagi masalalar yuzasidan Madaniyat vazirligi hay’ati qaroriga asosan, kamchiliklarga yo‘l qo‘ygan, berilgan topshiriqlar ijrosini vaqtida ta’minlamagani hamda ish samadorligi pastligi uchun bir qator tizim tashkilotlari rahbarlariga ogohlantirish va intizomiy choralar ko‘rish bo‘yicha qaror qabul qilindi.

Yig‘ilish yakunida, Madaniyat vazirligining II yarim yillik ish rejasi ko‘rib chiqilib, har bir rahbar mas’uliyatni chuqur his qilib, natija ko‘rsatishi lozimligi, belgilab berilgan topshiriqlar ijrosini so‘zsiz ta’minlashi lozimligi ta’kidlandi.