30-iyul "Xalqlar doʻstligi kuni"
2024-07-30 11:00:00 / Yangiliklar
Dunyoda Xalqaro do‘stlik kuni deb qabul qilingan 30-iyul sanasi mamlakatimizda Xalqlar do‘stligi kuni deb e’lon qilingan bo‘lib, o‘ziga xos bayram sifatida keng nishonlash an’anaga aylangan.
Shu munosabat bilan ayni kunlarda yurtimiz bo'ylab, 30-iyul "Xalqlar doʻstligi kuni" munosabati bilan 29-iyuldan 4-avgustga qadar mamlakatimiz boʻylab "Doʻstlik festivali" oʻtkazilmoqda.
Dunyo miqyosida bag‘rikeng yurt sifatida e’tirof etiladigan jonajon Vatanimizda bugungi kunda 130 dan ortiq millat va elat hamda 16 ta diniy konfessiya vakillari tinch-totuv, ahil-inoq, hamjihat bo‘lib yashamoqda. 157 ta milliy madaniy markaz va 38 ta do‘stlik jamiyati faoliyat ko‘rsatmoqda.
Madaniyat vazirligi jamoasi, butun O‘zbekiston xalqini Xalqlar do‘stligi kuni bilan chin qalbdan samimiy muborakbod etadi. Vatanimiz doimo tinch-osoyishta va farovon bo‘lsin!