“Stipendium Hungaricum” dasturining 2025/2026-o‘quv yilgi stipendiatlari bilan uchrashuv bo‘lib o‘tdi
2025-08-19 16:40:00 / Vazirlik yangiliklari
Oliy ta’lim, fan va innovatsiyalar vazirligida Vengriya Hukumati stipendiyalari (“Stipendium Hungaricum”) dasturi doirasida 2025/2026-o‘quv yilida Vengriya oliy ta’lim muassasalarida tahsil olish huquqini qo‘lga kiritgan o‘zbekistonlik yoshlar bilan uchrashuv o‘tkazildi.
Tadbirda Oliy ta’lim, fan va innovatsiyalar vaziri o‘rinbosari Sarvarxon Buzrukxonov, Vengriyaning O‘zbekistondagi elchisi Yojef Roja, tanlov komissiyasi a’zolari hamda stipendiatlar ishtirok etdilar.
Uchrashuvda mamlakatimiz uchun xorijda malakali kadrlar tayyorlashning ustuvor maqsad va vazifalari haqida ma’lumot berildi, chet elda ta’lim olish jarayonida yuzaga kelishi mumkin bo‘lgan masalalar bo‘yicha talabalarga zarur tavsiyalar taqdim etildi. Shuningdek, mazkur uchrashuv davomida stipendiat-tengdoshlari bilan o‘zaro yaqindan tanishish, jonli muloqot qilish va tengdoshlari bilan aloqalarni yo‘lga qo‘yish imkoniga ega bo‘ldilar.