O‘zbekiston Respublikasi Ta’lim va ilm-fan vazirligi

Dastlab, talabalarga “Yagona darcha” tamoyili asosida 64 turdagi xizmatlar ko‘rsatuvchi raqamlashgan Registrator ofisi ko‘zdan kechirildi. Shuningdek, talaba va bitiruvchilar bandligini ta’minlashga qaratilgan “Karera markazi” hamda yoshlarning biznes g‘oyalarini qo‘llab-quvvatlovchi “Kelajakka qadam” markazi faoliyati taqdim etildi.

So‘ng Sharq tillari fakultetidagi sinxron tarjima laboratoriyasi hamda dars jarayonlarini real vaqt rejimida monitoring qilib boruvchi markazlashgan Situatsion markaz faoliyati o‘rganildi.

Yakunda ilg‘or uskunalar va sun’iy intellekt vositalari bilan jihozlangan Multimedia markaziga tashrif buyurildi. Ushbu maskanda Xalqaro jurnalistika yo‘nalishi talabalari tomonidan “Samarqand ziyosi” radiosi, “Chegarasiz taxayyul” podkasti hamda 12 tilda milliy kontent tayyorlash bo‘yicha 15 dan ortiq media loyihalar yo‘lga qo‘yilgani ta’kidlandi.