“Talaba Expo–2026” doirasida “MERGANTEKS” MCHJ ishlab chiqarish korxonasiga ekskursiya tashkil etildi
2026-07-21 18:50:00 / Vazirlik yangiliklari
“Talaba Expo–2026” kasb koʻrgazmasi doirasida talabalarning nazariy bilimlarini amaliyot bilan uygʻunlashtirish, ularni zamonaviy ishlab chiqarish jarayonlari bilan yaqindan tanishtirish maqsadida “MERGANTEKS” MCHJ ishlab chiqarish korxonasiga ekskursiya tashkil etildi.

Tashrif davomida talabalar korxonada ilgʻor texnologiyalar asosida bolalar va kattalar uchun zamonaviy kiyim-kechak mahsulotlarini ishlab chiqarish jarayonlarini bevosita kuzatdilar. Shuningdek, tikuv sexlarining faoliyati, mahsulot tayyorlashning barcha bosqichlari, sifat nazorati tizimi hamda ishlab chiqarishdagi zamonaviy uskunalar bilan yaqindan tanishdilar.
Bundan tashqari, korxona mutaxassislari tomonidan mavjud boʻsh ish oʻrinlari, kadrlar siyosati, malakali mutaxassislarni tayyorlash tizimi hamda yoshlar uchun yaratilgan ish va amaliyot imkoniyatlari yuzasidan taqdimot oʻtkazildi. Talabalar oʻzlarini qiziqtirgan savollarga mutaxassislardan batafsil javob olish imkoniyatiga ega boʻldilar.







