Sian shahrida “Study in Uzbekistan” milliy taʼlim koʻrgazmasiga rasman start berildi!
2026-05-21 09:00:00 / Vazirlik yangiliklari
Koʻrgazmada Oliy ta’lim, fan va innovatsiyalar vaziri o‘rinbosari O‘ktam Salomov boshchiligidagi Oʻzbekistonning 43 ta yetakchi oliy taʼlim tashkiloti oʻzining taʼlim dasturlari, ilmiy salohiyati, xalqaro hamkorlik yoʻnalishlari hamda xorijiy talabalar uchun yaratilgan imkoniyatlarini namoyish etmoqda.
Tadbir doirasida ikki davlat oliy taʼlim muassasalari vakillari oʻrtasida uchrashuvlar, taqdimotlar, B2B muzokaralari hamda istiqbolli hamkorlik loyihalari yuzasidan muloqotlar olib borilmoqda. Shuningdek, universitetlar oʻrtasida yangi hamkorlik memorandumlari va qoʻshma taʼlim dasturlarini yoʻlga qoʻyish masalalari muhokama qilinmoqda.
“Study in Uzbekistan” koʻrgazmasi mamlakatimiz oliy taʼlim tizimining xalqaro maydondagi nufuzi va salohiyatini keng targʻib qilish, Oʻzbekistonni mintaqadagi muhim taʼlim markazlaridan biri sifatida namoyon etishda muhim platforma vazifasini oʻtaydi.