Ushbu nufuzli tadbirda jahonning 100 dan ortiq mamlakatlari va 70 dan ziyod taʼlim vazirlari qatnashmoqda.
Anjuman Buyuk Britaniya taʼlim davlat kotibi va vaziri Jillian Kigan tomonidan ochib berildi, soʻng nufuzli taʼlim tashkilotlari ekspertlarining taʼlimdagi integratsiya va taʼlim sifatini oshirish borasidagi maʼruzalari tinglandi.
Forumning birinchi kunida boʻlib oʻtgan yalpi majlisda taʼlimga yangi metodikalarni joriy etish, sunʼiy intellektdan foydalanish, taʼlim madaniyatini yaratish kabi masalalar muhokama qilindi.
Shuningdek, tadbir doirasida bir qator ikki tomonlama uchrashuvlar tashkil etilmoqda.