“Daraxtlar reyestri” loyihasi doirasida oʻquv kurslari uchun ro‘yxatga olish boshlandi
2025-02-12 11:00:00 / Yangiliklar
Ushbu oʻquv kurslarida oʻqish va keyinchalik daraxtlarning inventarizatsiyasida ishtirok uchun bazaviy ekologik, o‘rmonchilik yo‘nalishlarida (dendrologik) bilim va ko‘nikmalarga ega, 20 yoshdan 30 yoshgacha boʻlgan talabgorlar taklif etiladi. Loyihaga qabul qilish suhbat asosida amalga oshiriladi.
Loyihadan maqsad Toshkent shahri hududidagi daraxtlarni xatlovdan oʻtkazish bo‘lib, 120 nafar talabgor qabul qilinadi.
Oʻquv kurslarida quyidagi yoʻnalishlarda taʼlim beriladi:
— dendrologik bilimni oshirish;
— daraxtlarni toʻgʻri parvarishlash;
— daraxtlarning kasallanish holatlarining oldini olish;
— sugʻorish tizimlarini oʻrganish;
— umumiy ekologik bilimni oshirish;
— geodeziya va GNSS qurilmalaridan foydalanish.
Oʻquv kurslari 1 oy davom etadi.
Muvaffaqiyatli tamomlaganlar shartnoma asosida Toshkent shahri hududidagi daraxtlarni maxsus GNSS qurilmalari yordamida xatlovdan oʻtkazish ishlarini amalga oshiradi va ularga belgilangan tartibda oylik ish haqi beriladi. Loyiha davomiyligi — 2 yil. Yakunda ishtirokchilarga sertifikat beriladi va ekologiya sohasidagi tashkilotlarga ishga joylashishiga koʻmaklashiladi.
Loyihada ishtirok etish va qoʻshimcha maʼlumotlar uchun (94)992-24-14 telefon raqamlariga qo‘ng‘iroq qiling va maʼlumotlaringizni ecoilm@umail.uz pochta manziliga yuboring.
Murojaatlar 12-fevraldan 20-fevralgacha qabul qilinadi.