Asosiy kontentga o'tish

"World cleanup day": ommaviy plogging eko-aksiyasida faol qatnashing

2024-09-19 09:55:00 / Yangiliklar

Joriy yilning 20-sentabr kuni soat 11.00 da Ekologiya, atrof-muhitni muhofaza qilish va iqlim o‘zgarishi vazirligi tomonidan respublikamizning barcha hududlarida “World cleanup day” (Butunjahon tozalik kuni) munosabati bilan “Hayot uchun joy ajrating!” ommaviy plogging eko-aksiyasi tashkil etiladi.

Aksiya 20-sentabr kuni “World cleanup day” (“Butunjahon tozalik kuni”) munosabati bilan “Bir Vatanda, bir maqsadda — xalqaro chiqindisiz dunyo uchun!” shiori ostida tashkil etiladi va jamoatchilik, ommaviy axborot vositalari, davlat idoralari va xususiy tadbirkorlik subyektlarini atrof-muhitni chiqindilardan tozalash maqsadida birlashtirishga qaratilgan.

Barchangizni ushbu eko-aksiyada faol ishtirok etishga chaqiramiz! Safimizga qo‘shiling, aksiyada faol ishtirok eting va atrof-muhitni toza saqlashga o‘z hissangizni qo‘shing. 

Eko-aksiya respublikamiz bo‘ylab quyidagi hududlarda o‘tkaziladi:

•  Ekologiya, atrof-muhitni muhofaza qilish va iqlim o’zgarishi vazirligi — Bo'stonliq tumani, G'azalkent MFY, Amirsoy hududi;
•  Toshkent viloyati — Piskent tumani "Yangi hayot" MFY;
•  Toshkent shahri — Yakkasaroy tumani, Sharshara ko‘chasi;
•  Sirdaryo viloyati — Guliston shahri, “Yangi hayot” MFY;
•  Jizzax viloyati — Mirzacho'l tumani, G'alaba MFY, Paxtakor ko'chasi;
•  Samarqand viloyati — Samarqand shahri, Mustaqillik ko‘chasi;
•  Navoiy viloyati — Navoiy shahri, “Kimyogar” MFY;
•  Buxoro viloyati — Buxoro shahri, “Somoniylar” istirohat bog‘i;
•  Surxondaryo viloyati —Termiz shahri, Guliston MFY;
•  Xorazm viloyati — Urganch shahri, Yoshlar ko'li;
•  Qashqadaryo viloyati — Qarshi shahri, “Alisher Navoiy” nomidagi istirohat bog'i;
•  Andijon viloyati — Andijon tumani, Z.M.Bobur bog'i;
•  Namangan viloyati — Davlatobod tumani, I.Karimov ko‘chasi Kamolot bog‘i;
•  Farg‘ona viloyati — Farg‘ona shahri, Markaziy istirohat bog‘i;
•  Qoraqalpog‘iston Respublikasi — Nukus shahri, "Ak Jags" MFY va "Amudaryo" MFY

1224

Oxirgi yangilanish: 2024-09-19 10:28:25

"World cleanup day": ommaviy plogging eko-aksiyasida faol qatnashing