Yangi “Yoshlar markazi” ochildi!
2024-09-29 17:00:00 / Yangiliklar
Kuni kecha, poytaxtimizdagi Olmazor tumanida yangi “Yoshlar markazi” ning ochilish marosimi bo‘lib o‘tdi. Unda Oliy ta’lim vaziri Kongratbay Sharipov, Agentligi direktori Alisher Sa’dullayev, Toshkent shahar hokimining o‘rinbosari Durdona Rahimova va boshqa mas’ullar ishtirok etdi.
Markaz yoshlar uchun zamonaviy sharoitlar yaratish, ularning ijodiy va intellektual salohiyatini rivojlantirish maqsadida tashkil etilgan bo‘lib, bu markaz yoshlar uchun nafaqat bilim olish, balki o‘zaro muloqot qilish va yangi do‘stlar orttirish uchun ham ajoyib maskandir.
Yoshlar markazi ikki qavatli bo‘lib, ikkita keng kutubxona va internetga ulangan axborot-resurs markazi mavjud. Markaz ochiq osmon ostidagi maydonchaga ega bo‘lib, u yerda yoz kunlari kino filmlar namoyishini o‘tkazish rejalashtirilgan. Bu maydon yoshlar uchun nafaqat madaniy hordiq chiqarish, balki zamonaviy texnologiyalar bilan yaqinroq tanishish imkoniyatini ham taqdim etadi