Хитойнинг "Босеон (Шензҳен) Интернатионал Траде Cо Лтд.", "Зҳуҳаи Ҳенгқин Ҳуолиwухиан Течнологй Лтд." ва "Чене" компаниялари...
2025-03-17 19:10:00 / Янгиликлар
Бугун Сурхондарё вилояти ҳокими Улуғбек Қосимов Хитойнинг "Босеон (Шензҳен) Интернатионал Траде Cо Лтд.", "Зҳуҳаи Ҳенгқин Ҳуолиwухиан Течнологй Лтд." ва "Чене" компаниялари асосчилари ва масъул вакилларидан иборат делегацияни қабул қилди.
Учрашувда Сурхондарё вилоятида Хитой компаниялари билан амалга оширилаётган лойиҳалар, келажакдаги режалар ва инвестициявий ҳамкорлик имкониятлари атрофлича муҳокама қилинди. Шу билан бирга, вилоятнинг инвестицион салоҳияти ҳақида тақдимот ўтказилди.
Икки томон янги лойиҳаларни амалга ошириш, хусусан, саноат зонаси ташкил этиш таклифларини кўриб чиқди. Ушбу таклифларнинг техник-иқтисодий асосларини ишлаб чиқиш ва лойиҳаларни масъул мутахассислар иштирокида янада чуқур муҳокама қилишга келишилди.
Мазкур ташаббус вилоятда саноат салоҳиятини ошириш, янги иш ўринлари яратиш ҳамда икки томонлама инвестициявий ҳамкорликни янада мустаҳкамлашга хизмат қилади.