Полша компаниялари билан ҳамкорлик масалалари муҳокама қилинди
2026-02-05 16:00:00 / Янгиликлар
Бугун Сурхондарё вилояти ҳокими Улуғбек Қосимов Полша давлатининг "Фасинг С.А." компаниясининг шарқий бозорлар бўйича директори Ян Давидовски, "Конко С.А." компаниясининг конструкторлик бўлими директори Кшиштоф Мазурек ҳамда "ГМС Сп. з о.о." компанияси президенти Ежи Серугани қабул қилди.
Учрашувда Полша компанияларининг фаолият йўналишлари ва салоҳияти ҳақида батафсил маълумот берилди. Шунингдек, ҳамкорлик алоқаларини йўлга қўйиш бўйича турли соҳалар кесимида таклифлар билдирилди.
Мазкур компаниялар билан вилоят эҳтиёжлари учун зарур техника ва асбоб-ускуналарни етказиб бериш, шунингдек, бошқа истиқболли йўналишларда ҳамкорлик қилиш масалалари муҳокама қилинди.