Жарқўрғон туманида ижтимоий ҳимоя тизимидаги вазифалар ижроси ўрганилди
2026-02-04 18:35:00 / Янгиликлар
Ўзбекистон ижтимоий давлат сифатида фуқароларнинг ижтимоий ҳимоясини кучайтириш, камбағалликни қисқартириш, инклюзив таълим ва бандликни таъминлашга қаратилган дастурларни изчил амалга оширмоқда. Мазкур йўналишдаги вазифалар давлат сиёсати даражасида белгилаб олинган бўлиб, уларни самарали ижро этиш мақсадида Ижтимоий ҳимоя миллий агентлиги фаолияти йўлга қўйилган.
Бугун Сурхондарё вилояти ҳокими Улуғбек Қосимов Ижтимоий ҳимоя миллий агентлигининг вилоят бошқармаси ҳамда ҳудудларда ташкил этилган "Инсон" ижтимоий хизматлар марказлари фаолияти билан танишиш мақсадида Жарқўрғон туманига ташриф буюрди. Ташриф давомида марказ фаолияти, амалга оширилаётган янги ташаббуслар ҳамда келгусидаги режалар юзасидан вилоят бошқармаси ва туман масъуллари томонидан батафсил ахборот берилди.
Шунингдек, шаҳар ва туманларда ижтимоий ҳимоя тизимини самарали ташкил этиш, камбағалликни қисқартириш, ногиронлиги бўлган фуқароларни ҳар томонлама қўллаб-қувватлаш, аҳолини китобхонликка ҳамда фойдали машғулотларга жалб этиш бўйича устувор вазифалар белгилаб берилди.
Шундан сўнг, туманнинг Дўстлик маҳалласида камбағал оилалар реестрига киритилган оилалар фарзандларини фан тўгаракларига жалб этиб келаётган "АКҲМАД АКАДЕМЙ" МЧЖ фаолияти билан танишилди. Ташриф давомида ўқув маркази фаолиятини янада самарали ташкил этиш, шунингдек, уни вилоятнинг бошқа ҳудудларида ҳам йўлга қўйиш бўйича тегишли тавсия ва кўрсатмалар берилди.