“Yilning eng namunali mahalla yoshlar yetakchisi” tanlovida ishtirok etishni istaysizmi?

O‘zbekiston Respublikasi Prezidentining PF–27-son Farmonining 219-bandiga asosan, Vazirlar mahkamasining 608-soni qarori bo‘yicha har yili mahalladagi yoshlar yetakchilari o‘rtasida ushbu tanlov o‘tkazilishi belgilangan.

Ishtirokchilar uchun talablar:

• Kamida bitta mahallada 6 oy davomida faoliyat yuritgan bo‘lishi

• Amaliy ish tajribasiga ega bo‘lishi

Tanlov 10 ta yo‘nalish bo‘yicha tashkil etiladi:

1. “Yoshlar balansi” tizimi bilan samarali ish tashkil etgan eng namunali yetakchi

2. “Yoshlar daftari” tizimi bilan samarali ish tashkil etgan eng namunali yetakchi

3. Yoshlarning bo‘sh vaqtini samarali tashkil etgan eng namunali yetakchi

4. Alohida e’tiborga muhtoj yoshlar bilan ishlagan eng namunali yetakchi

5. Yoshlar tadbirkorligi va bandlikka ko‘maklashgan eng namunali yetakchi

6. Migratsiyadan qaytgan yoshlar bilan ishlagan eng namunali yetakchi

7. Huquqbuzarlikka moyil yoshlar bilan tizimli ishlagan eng namunali yetakchi

8. Iqtidorli va intellektual yoshlar bilan ishlagan eng namunali yetakchi

9. Kasb-hunar tanlovlarini yuqori saviyada tashkil etgan eng namunali yetakchi

10. Sog‘lom turmush tarzini targ‘ib etgan va sport musobaqalarini o‘tkazgan eng namunali yetakchi

Tanlov bosqichlari:

• Tuman (shahar) bosqichi – oktyabr oyida

• Hududiy bosqich – noyabr oyida

• Respublika final bosqichi – dekabr oyining birinchi o‘n kunligida

Ishtirokchilar tanlovda qatnashish uchun 5-oktabrga qadar quyidagi havola orqali elektron ariza topshirish zarur.

Tanlov g‘oliblari quyidagi imtiyozlarga ega bo‘ladilar:

• Kadrlar zaxirasiga kiritish va yuqori lavozimga tavsiya etilish;

• Xorijiy ta’lim muassasalarida malaka oshirish imkoniyati;

• Davlat mukofotlariga tavsiya etilish.

O‘z imkoniyatingizni boy bermang – tanlovda ishtirok eting!