O‘zbеkistоn Rеspublikаsi Yoshlar ishlari agentligi

“Besh tashabbus olimpiadasi”ning 2024-yilgi mavsumi yuzasidan matbuot anjumani bo‘lib o‘tdi

“Yoshlarning boʻsh vaqti – yetakchining ish vaqti” tamoyili asosida mahalladagi yoshlarni boʻsh vaqtini mazmunli tashkil etish va yoshlarni madaniyat, sanʼat, sport, kitobxonlik, axborot texnologiyalari, intellektuala oʻyin yoʻnalishlari boʻyicha iqtidorlarini kashf etish hamda qoʻllab-quvvatlash maqsadida 2024-yilgi mavsum doirasida mahalla yoshlari uchun 26 ta loyiha besh bosqichda mahalla-sektor-tuman-hudud-respublika hamda maktab o‘quvchilari o‘rtasida 8 ta loyiha, professional ta’lim muassasalari o‘quvchilari o‘rtasida 5 ta loyiha, oliy ta’lim muassasalari talabalari o‘rtasida 6 ta loyiha, shuningdek ilk bor vazirlik, idora va tashkilotlarning quyi tizimidagi xodimlari o‘rtasida “Besh tashabbus olimpiadasi” doirasida 6 ta loyiha oʻtkazildi. O‘tgan 2023 yilda bir qator muhim yoʻnalishlarini oʻzida qamrab olgan 20 dan ortiq tanlov va musobaqalarda 12 mlnga yaqin yoshlar ishtirok etib, 1 ming 500 nafardan ortiq yoshlar tanlov va musobaqalarning respublika bosqichi gʻolib va sovrindorlari boʻlishdi. Ananaviy tarzda tashkil etilayotgan “Besh tashabbus olimpiadasi”ning 2024 yilgi mavsumida ishtirok etish uchun bugungi kun holatiga jami 824 ming 314 nafar o‘g‘il qizlar 5tashbbus.uz saytidan ro‘yxatdan o‘tdilar.

Shundan, mahalla yoshlari madaniyat va san’at yo‘nalishida 75 ming 739 nafar, sport yo‘nalishida 513 ming 229 nafar, ayti yo‘nalishida 41 ming 497 nafar, kitobxonlik va intellektual o‘yinlar yo‘nalishida 162 ming 340 nafar, kasblar tanlovi yo‘nalishida 26 ming 546 nafar, shiningdek imkoniyati cheklangan, nogironligi bo‘lgan yoshlar o‘rtasida paralimpia musobaqalariga 4 ming 948 nafar yoshlar elektron ro‘yxatdan o‘tishdi. Olimpiadaning bu yilgi mavsumi joriy yil mart oyidan, dekabr oyigacha bo‘lib o‘tishi belgilangan.

Mahalla yoshlari o‘rtasidagi “Besh tashabbus olimpiadasi” doirasida madaniyat va san’at yo‘nalishida 2 ta loyiha (yoshlar ovozi va yosh musavvirlar), sport yo‘nalishida 12 ta sport musobaqalari (yengil atletika, stol tennis, vorkout, shaxmat, shashka, armrestling, gimnastrada, stritbol davlat xavfsizlik xizmati kubogi uchun katta va mini futbol, ichki ishlarvaziri kubogi uchun voleybol, va bosh prokuror kubogi uchun kurash), ayti yo‘nalishida 1 ta loyiha (kibersport turneri, kitobxonlik va intellektual o‘yinlar yo‘nalishida 5 ta loyiha (yosh kitobxon oila, mushoira, yosh kitobxon, zakovat intellektual o‘yini va ibrat chet tillari) va kasblar tanlovi yo‘nalishida (novvoychilik, yosh quruvchi, dizaynerlik, elektromantak ustasi va payvandlash ustasi), shuningdek imkoniyati cheklangan, nogironligi bor yoshlar o‘rtasida paralimpia musobaqalari joy olgan.

O‘tgan yil bo‘lib o‘tgan olimpiada yakunlari bo‘yicha yoshlarimiz taklif va tashabbuslaridan kelib chiqib, bu yil yoshlarga yanada qulayliklar yaratish maqsadida qator o‘zgarishlar kiritdik. Jumladan, olimpiada doirasidagi loyihalarni mahalla bosqichlarini o‘tkazishga, har bir loyiha uchun 4-5 kundan 10 kunga qadar vaqt berildi. Bundan tashqari yoshlarimiz orasida so‘rovnoma o‘tkazilganda, aksariyat yoshlarimiz loyihalarning kechki vaqtlarda o’tishini xohlab ovoz berishgan. Shundan kelib chiqib yoshlar yetakchisi o‘z mahallasi yoshlariga qulay vaqt (soatda)ni belgilab loyihalarni o‘tkazish imkoniyati yaratildi, shuningdek yoshlarimiz loyihalarda ishtirok etish uchun 5tashabbus.uz sayti orqali elektron platformadan loyiha o’tayotgan kun ham kelib ro‘yxatdan o‘tish imkoniyati yaratildi.

Bizning asosiy maqsadimiz ham hamkor tashkilotlar bilan loyihalarni yoshlarimiz istak-xohishi asosida o‘tkazish va yoshlarimizning bo‘sh vaqtini mazmunli qamrab olish, ulardagi qobiliyatlarini yuzaga chiqarishga keng maydon yaratishdir.

Maʻlumot uchun: “Besh tashabbus olimpiadasi”ni tashkil etish va o‘tkazish bo‘yicha qo‘shimcha va to‘ldiruvchi savollarga (97) 699-00-01 yoshlar ishlari agentligi yoshlarning ma’naviyatini yuksaltirish va bo‘sh vaqtini mazmunli tashkil etish bo‘limi boshlig‘i Sh.Olimovdan javob olishingiz mumkin.