“Talabalar festivali” doirasidagi tanlov va loyihalarni tashkil etish yuzasidan matbuot anjumani
2025-05-06 19:00:00 / Matbuot anjumanlari
O‘zbekiston Respublikasi Prezidentining 2025-yil 30-yanvardagi PF–16-sonli farmoni (“O‘zbekiston – 2030” strategiyasini “Atrof-muhitni asrash va “Yashil iqtisodiyot” yilida amalga oshirishga oid davlat dasturi to‘g‘risida”)da belgilangan 31-maqsad ijrosini ta’minlash, shuningdek, talaba-yoshlarning bo‘sh vaqtlarini mazmunli tashkil etish maqsadida tizimli chora-tadbirlar amalga oshirilmoqda.
Xususan, “Besh tashabbus olimpiadasi” doirasida yosh avlodni madaniyat, san’at, sport va axborot texnologiyalariga jalb qilish, kitobxonlikni targ‘ib qilish maqsadida “Quvnoqlar va zukkolar”, “Munozara”, “Zakovat”, “Jismoniy tayyorgarlik sinovlari”, “Talabalar bahori”, shaxmat musobaqalari, “Kelajak muhandislari” xalqaro festivali kabi loyihalar va tanlovlar muntazam o‘tkazilib, minglab talaba-yoshlar qamrab olinmoqda.
Ushbu ishlarga yanada keng ko‘lam berish, yoshlarning ijodiy, intellektual vajamoaviy faolligini rivojlantirish, madaniy va ilmiy almashinuvni qo‘llab-quvvatlash, ilm-fan va innovatsiyalarni ommalashtirish, liderlik va tashabbuskorlikni rag‘batlantirish maqsadida2025-yil 1–25-may kunlari barcha oliy ta’lim muassasalarida “Talabalar festivali” o‘tkazilishi belgilandi. Bu haqda 2025-yil 23-aprel kuni bo‘lib o‘tgan Respublika komissiyasining 4-son yig‘ilish bayonida tasdiq berildi.
Yoshlar ishlari agentligi tomonidan 1,5 milliondan ortiq talaba-yoshlarniqamrab oluvchi ushbu festival doirasida keng ko‘lamli loyihalar va tanlovlar tashkiletilmoqda. Jumladan, matbuot anjumani orqali festivalning maqsad va mazmuni, amalgaoshirilayotgan ishlar va erishilgan natijalar jamoatchilikka taqdim etiladi.
Festival doirasida quyidagi loyihalar va tadbirlar amalga oshiriladi. “Kontent72”ijtimoiy videoroliklar tanlovi va “Talabalik davrim” foto va video chellenji (1 million nafartalaba qamrovi). “AI Girls BootCamp” oromgohi (talaba-qizlar uchun), “Zakovat”intellektual o‘yinlari (maktab va universitet o‘quvchilari ishtirokida), “Jismoniytayyorgarlik sinovlari”, “Qalqon” jamoatchilik guruhi yig‘ini, “Talabalar teatrstudiyalari” tanlovlari (100 mingdan ortiq talaba qamrovi). “BMT modeli” loyihasi, “IBRAT” debat turniri, “Yurtim qadriyatlari” tanlovi, ilmiy-amaliy konferensiyalar va“Quvnoqlar va zukkolar” festivallari (25 ming nafar talaba qamrovi).
21–23 may kunlari festival doirasida “TalabaExpo-2025” ko‘rgazmasi o‘tkaziladi. Uch kunlik dastur quyidagilardan iborat:
• “Abituriyentlar kuni” – oliy ta’lim muassasalarining taqdimotlari;
• “Talabalar kuni” – “TalabaStartUp Pitch” tanlovi, “TalabaTalant” kreativshousi (musiqa, raqs, tasviriy san’at, she’riyat, stand-up);
• “Bitiruvchilar kuni” – bo‘sh ish o‘rinlari yarmarkasi, biznes loyihalartaqdimotlari, “TalabaKelajak” – muvaffaqiyatli bitiruvchilar bilan uchrashuvlar.
Festival yakunida 300 ming nafar talabani qamrab oluvchi gala-konsert dasturi o‘tkaziladi.
Barcha hududlarda oliy ta’lim, fan va innovatsiyalar boshqarmalari hamda Yoshlarishlari boshqarmalari bilan hamkorlikda festival doirasida loyihalar va tanlovlar o‘tkaziladi. Hududlardagi oliy ta’lim muassasalarining bitiruvchi yoshlari uchun:
• bo‘sh ish o‘rinlari ko‘rgazmalari,
• zamonaviy kasblar taqdimotlari,
• biznes loyihalar asosida mahorat darslari tashkil etiladi.
Shuningdek, har bir hududda festival yopilishiga bag‘ishlangan gala-konsertdasturlari ham alohida reja asosida amalga oshiriladi.