Kitobxonlarimiz navbatdagi bosqichga yo’l oldi
2024-11-19 17:00:00 / Yangiliklar
“Yosh kitobxon” tanlovining sektor bosqichlari yakunlandi
Millionlab kitobxonlarimiz uchun bilim maydonini yaratgan “Yosh kitobxon” tanlovi qizg‘in davom etmoqda. Kitobxonlarimiz sektor bosqichida ishtirok etib, o‘z bilim va mahoratlarini sinovdan o‘tkazishdi. Tanlovining sektor bosqichida 28 203 nafar ishtirokchi qatnashdi.
Tanlovning sektor bosqichlari test asosida o‘tkazilib, test natijalariga ko‘ra sektorlar kesimida har bir yosh toifasi bo‘yicha eng ko‘p ball to‘plagan 3 nafar ishtirokchi tuman-shahar bosqichda ishtirok etish huquqini qo‘lga kiritdi.
Tanlov natijalariga ko‘ra 9984 nafar ishtirokchi yuqori ball to‘plab, tuman (shahar) bosqichda ishtirok etish yo‘llanmasini qo‘lga kiritdi.
Tanlovning tuman (shahar) bosqichi joriy yilning dekabr oyida o’tkazilishi rejalashtirilgan.