O‘zbеkistоn Rеspublikаsi Yoshlar ishlari agentligi

O‘zbekiston Respublikasi Davlat bayrog‘ining qabul qilinganligiga bag‘ishlangan ushbu loyiha mamlakatimiz uchun alohida ahamiyat kasb etadi. Aynan 33 yil muqaddam, milliy ramzimiz – Davlat bayrog‘i qabul qilingan edi. Bu munosabat bilan Respublika Ma’naviyat va ma’rifat markazi, O‘zbekiston Mahallalari uyushmasi, Yoshlar ishlari agentligi, Mudofaa vazirligi va Milliy gvardiya hamkorligida yurtimizda yangi va betakror loyiha amalga oshirildi.

Ushbu loyiha doirasida 100 metr uzunlikdagi Davlat bayrog‘i yurtimizning turli go‘shalarida hilpirab, mustaqilligimiz, birdamligimiz va faxr-iftixorimiz timsoli sifatida namoyish etilmoqda. Ushbu ulkan bayroq, ayniqsa, xalqimizni birlashtiruvchi, Vatanimizga bo‘lgan cheksiz muhabbatimizni ifodalovchi ramz sifatida alohida e’tirofga sazovor.

Davlat bayrog‘ining Xorazmdan Toshkent tomon yo‘lga olgani, har bir yurtdoshimizning qalbida milliy g‘urur va iftixor tuyg‘usini uyg‘otib, “Mag‘rur hilpiragin, yurtim bayrog‘i!” shiorini yanada baland ko‘tarishga chorlaydi.