Ma’naviyat va tarix bilan yuzlashib: Jamoamiz O‘zbekistondagi Islom sivilizatsiyasi markazida!
2026-03-24 22:25:00 / Yangiliklar
Bugun Yoshlar ishlari agentligi markaziy apparati xodimlari davlatimiz rahbari Shavkat Mirziyoyev tashabbusi bilan bunyod etilgan, eng yirik va betakror ma’naviy loyihalaridan biri — O‘zbekistondagi Islom sivilizatsiyasi markazi bo‘ylab mazmunli ekskursiyada bo‘ldilar.
Tashrif davomida jamoamiz a’zolari ushbu muazzam majmuada barpo etilayotgan muhit, xalqimizning boy ilmiy merosi hamda buyuk allomalarimizning jahon tamadduniga qo‘shgan ulkan hissasini o‘zida aks ettiruvchi noyob ekspozitsiyalar bilan yaqindan tanishdilar.
Bunday ma’rifiy sayohatlar har bir xodimning o‘zligini anglashi, milliy qadriyatlarimizga bo‘lgan hurmatini yanada mustahkamlashi barobarida, “Yangi O‘zbekiston” yoshlari bilan ishlashdek mas’uliyatli faoliyatiga katta kuch bag‘ishlaydi.