O‘zbеkistоn Rеspublikаsi Yoshlar ishlari agentligi

Dunyoning eng nufuzli universitetlarida tahsil olish imkoniyatini qo‘lga kiritgan va kelajakda O‘zbekiston ravnaqiga hissa qo‘shishni maqsad qilgan “El-yurt umidi” stipendiatlari Yoshlar ishlari agentligida mehmon bo‘lishdi.

Dastlab ularga yoshlar uchun tashkil etilgan yirik loyihalar tanishtirildi. So‘ngra Agentlik direktori Alisher Sa’dullayev bilan samimiy uchrashuv bo‘lib o‘tdi.

Muloqot davomida agentlik rahbari yoshlarga xorijiy davlatlarda nafaqat talaba, balki O‘zbekistonning madaniy elchilari sifatida Vatanimiz imijini yuksaltirish bo‘yicha o‘z tavsiyalarini berib o‘tdi.

Uchrashuv yakunida stipendiatlarga zamonaviy fikrlashni shakllantiruvchi “Venchur zehniyati” kitobi hamda “Ibrat Academy” va “Mutolaa” loyihalarining premium obunalari taqdim etildi.

Ochiq muloqot qizg‘in savol-javoblar va yangi takliflar muhokamasi bilan yakunlandi.