O‘zbekiston va Pokiston: Strategik hamkorlikning yangi sahifasi
2026-02-06 14:20:00 / Yangiliklar
Prezident Shavkat Mirziyoyev va Bosh vazir Shahboz Sharif tor doirada muzokara o‘tkazib, Strategik hamkorlik kengashining birinchi yig‘ilishiga raislik qildilar. Yakunda Qo‘shma deklaratsiya va Savdo-iqtisodiy hamkorlikni kengaytirish to‘g‘risidagi bayonnoma imzolandi.
Pokiston poytaxtidagi ko‘chalardan biriga “Toshkent” va yangi barpo etiladigan bog‘ga Zahiriddin Muhammad Bobur nomi berildi. Bu tarixiy va madaniy aloqalarimizning yuksak e’tirofidir.
Muzokaralar natijasida katta rejalar belgilandi:
🟢Tovar ayirboshlash hajmini 2 milliard dollarga yetkazish;
🟢3,5 milliard dollarlik loyihalar portfelini shakllantirish;
🟢“Made in Uzbekistan” mahsulotlarini Pokiston bozorlariga olib chiqish;
🟢Minglab yangi ish o‘rinlarini yaratish.
Shuningdek, Prezidentimizga Pokiston Milliy fan va texnologiyalar universitetining faxriy doktori va professori unvonlari topshirildi.
Kelgusida Toshkent va Peshovar universitetlari hamkorlikda kadrlar tayyorlaydi, yoshlarimiz esa IT sohasida pokistonlik tengdoshlari bilan tajriba almashish imkoniga ega bo‘ladi. Shu bilan birga, Pokistonda “O‘zbek kinosi kunlari” o‘tkazilishi belgilandi.