O‘zbekiston Respublikasi Prezidentining 2023-yil 31-oktabrdagi "Aholiga pensiya tayinlash bo‘yicha ko‘rsatiladigan davlat xizmatlari sifatini yanada oshirishga qaratilgan qo‘shimcha chora-tadbirlar to‘g‘risida"gi PQ-353-son qarorining 1-qism “a” bandiga asosan 2024-yil 1-yanvardan boshlab fuqarolarga davlat pensiyalarini tayinlash uchun amaldagi tartibga qo‘shimcha ravishda ularning xohishiga ko‘ra Davlat xizmatlari markazlari yoki Yagona interaktiv davlat xizmatlari portali orqali ham murojaat qilish huquqi berildi. Shunga asosan Pensiya jamg‘armasi tomonidan YIDX portalida “Pensiya tayinlash uchun ariza berish” xizmati ishga tushirildi. Ushbu xizmat ishga tushgan kundan boshlab joriy yilning 1-dekabriga qadar fuqarolar tomonidan 489 761 ta ariza kelib tushgan.

O‘zbekiston Respublikasi Vazirlar Mahkamasining 2023-yil 20-noyabrdagi "Davlat xizmatlarini ko‘rsatishni tartibga soluvchi normativ-huquqiy hujjatlarni tizimlashtirish chora-tadbirlari to‘g‘risida"gi 612-son qarorining 20-ilovasiga asosan Davlat xizmatlari markazlari va Yagona interaktiv davlat xizmatlari portalida “Pensiya jamg‘armasi hisobida turishi to‘g‘risida ma'lumotnoma” xizmati ishga tushirildi. Ushbu xizmat ishga tushgan kundan boshlab hozirgi kungacha 446 669 marotaba foydalanilgan.

Fuqarolarga hamda pensiya oluvchi shaxslarga qulaylik yaratish maqsadida Yagona interaktiv davlat xizmatlari portalida “Pensiya jamg'armasi hududiy boshqarmalari manzil ma'lumotlari” xizmati ishga tushirildi. Ushbu xizmat ishga tushgan kundan boshlab joriy yilning 1-dekabriga qadar fuqarolar tomonidan 152 307 marotaba foydalanilgan.

O‘zbekiston Respublikasi Vazirlar Mahkamasining 2023-yil 9-sentabrdagi “Vazirlar Mahkamasining “Davlat pensiyalarini tayinlash va to‘lash tartibi to‘g‘risidagi nizomni tasdiqlash haqida” 2022-yil 13- oktyabrdagi 592-son qaroriga fuqarolarning pensiya taʼminotiga oid milliy qonunchilik hujjatlarini tizimlashtirish, sohaga zamonaviy axborot texnologiyalarini yana-da keng joriy etishga qaratilgan o‘zgartirish va qo‘shimchalar kiritish, shuningdek, hukumatning ayrim qarorlarini o‘z kuchini yo‘qotgan deb hisoblash to‘g‘risida”gi 481-son qarorining 1-qism 2-bandiga asosan pensiyani Davlat xizmatlari markazi yoki Yagona interaktiv davlat xizmatlari portaliga murojaat qilish orqali vaqtincha to‘xtatib turish tartibini joriy etish vazifasi belgilangan. Shunga asosan Pensiya jamg‘armasi tomonidan YIDX portalida “Pensiya berishni to‘xtatib turish” xizmati ishga tushirildi. Ushbu xizmat ishga tushgan kundan boshlab joriy yilning 1-dekabriga qadar fuqarolar tomonidan 8 223 ta ariza kelib tushgan.

Pensionerlarga qulaylik yaratish maqsadida Davlat xizmatlari markazlari va Yagona interaktiv davlat xizmatlari portalida ““SMS-Pensiya” xizmatiga ulanish va raqamni o'zgartirish” xizmati ishga tushirildi. Ushbu xizmat ishga tushgan kundan boshlab joriy yilning 1-dekabriga qadar fuqarolar tomonidan 9 202 marotaba foydalanilgan.

Tashkilot va idoralarga qulaylik yaratish maqsadida Pensiya jamg‘armasi tomonidan Davlat xizmatlari markazlari va Yagona interaktiv davlat xizmatlari portalida “Pensiya Qonunining moddalari bo‘yicha hisobotni shakllantirish” xizmati ishga tushirildi. Ushbu xizmat ishga tushgan kundan boshlab joriy yilning 1-dekabriga qadar fuqarolar tomonidan 433 marotaba foydalanilgan.

O‘zbekiston Respublikasi Vazirlar Mahkamasining 2023-yil 20-noyabrdagi "Davlat xizmatlarini ko‘rsatishni tartibga soluvchi normativ-huquqiy hujjatlarni tizimlashtirish chora-tadbirlari to‘g‘risida"gi 612-son qarorining 21-ilovasiga asosan Davlat xizmatlari markazlari va Yagona interaktiv davlat xizmatlari portalida “To‘langan pensiyalar miqdori to‘g‘risida maʼlumotnoma” xizmati ishga tushirildi. Ushbu xizmat ishga tushgan kundan boshlab joriy yilning 1-dekabriga qadar fuqarolar tomonidan 430 627 marotaba foydalanilgan.

O‘zbekiston Respublikasi Prezidentining 2023-yil 31-oktabrdagi "Aholiga pensiya tayinlash bo‘yicha ko‘rsatiladigan davlat xizmatlari sifatini yanada oshirishga qaratilgan qo‘shimcha chora-tadbirlar to‘g‘risida"gi PQ-353-son qarorining 1-qism “b” bandiga asosan 2025-yil 1-martdan boshlab fuqarolarga yoshga doir pensiyalarni “Fuqarolarning davlat pensiya ta’minoti to‘g‘risida”gi O‘zbekiston Respublikasi Qonunining 7-moddasida belgilangan yoshga to‘lishi munosabati bilan alohida murojaat talab etmagan holda proaktiv shaklda tayinlash tartibi joriy etildi. Ushbu proaktiv xizmat ishga tushgan kundan toki joriy yilning 1-dekabrga qadar 82 798 nafar fuqarolarga yoshga doir pensiya proaktiv ravishda tayinlandi.

O‘zbekiston Respublikasi Prezidentining 2025-yil 27-maydagi "Nogironlik pensiyalari va kompensatsiyalarni tayinlashda proaktiv xizmatlarni joriy etish to‘g‘risida"gi PQ-194-son qarorining 1-qism “a” bandiga asosan 2025-yil 1-iyuldan fuqarolarga I yoki II guruh nogironligi belgilanishi munosabati bilan pensiyalarni alohida murojaat talab etmagan holda proaktiv shaklda tayinlash tartibi joriy etildi. Ushbu proaktiv xizmat ishga tushgan kundan toki joriy yilning 1-dekabriga qadar 17 096 nafar fuqarolarga nogironlik pensiyalari proaktiv ravishda tayinlandi.

O‘zbekiston Respublikasi Prezidentining 2025-yil 27-maydagi "Nogironlik pensiyalari va kompensatsiyalarni tayinlashda proaktiv xizmatlarni joriy etish to‘g‘risida"gi PQ-194-son qarorining 1-qism “b” bandiga asosan 2025-yil 1-iyuldan ko‘rish qobiliyati bo‘yicha I guruh nogironligi bo‘lgan shaxslarga hamda yadro poligonlari va boshqa radiatsiya-yadro obyektlarida harbiy xizmatni o‘tagan shaxslarga kompensatsiyalarni elektron ma’lumotlar almashinuvi asosida proaktiv shaklda tayinlash tartibi joriy etildi. Ushbu proaktiv xizmat ishga tushgan kundan toki joriy yilning 1-dekabriga qadar 370 nafar fuqarolarga kompensatsiyalar proaktiv ravishda tayinlandi.