Namanganda voleybolga ixtisoslashtirilgan mahorat maktabi tantanali ochildi!
2025-10-02 23:35:00 / Yangiliklar
Ochilish marosimida O‘zbekiston Respublikasi ichki ishlar vaziri, Namangan viloyati hokimi hamda mutasaddi rahbarlar, faxriy murabbiylar, sportchilar va nuroniylar ishtirok etishdi.
Mazkur mahorat maktabida mavjud inshootlar to‘liq rekonstruksiya qilindi, o‘quv va ma’muriy binolar kapital ta’mirdan chiqarildi, talabalar uchun barcha sanitariya-meyorlariga javob beruvchi zamonaviy oshxona barpo etildi, 200 o‘ringa mo‘ljallangan, barcha sharoitlarga ega yangi yotoqxona foydalanishga topshirildi.
Shuningdek, voleybol zalidan tashqari kurash va boks sport zallari, chim ustida hokkey, mini-futbol hamda sohil voleyboli maydonchalari ham qurib bitkazildi.
Yangi majmua yoshlarning sport bilan muntazam shug‘ullanishi, salomatligini mustahkamlashi va kelgusida xalqaro musobaqalarda munosib ishtirok etishlari uchun keng imkoniyatlar yaratadi.
Namangan viloyati sport boshqarmasi axborot xizmati