Davlat mukofotlari egalariga tantanali ravishda topshirildi
2025-09-30 18:10:00 / Yangiliklar
O‘zbekiston Respublikasi Prezidentining «O‘qituvchi va murabbiylar kuni munosabati bilan ta’lim-tarbiya tizimida alohida o‘rnak ko‘rsatgan xodimlardan bir guruhini mukofotlash to‘g‘risida”gi Farmoniga ko‘ra Davlatimizning yuksak mukofotlariga sazovor bo‘lganlar orasida Namangan viloyatining 6 nafar vakili ham bor.
Namangan shahridagi “Ma’rifat maskani”da ushbu mukofotlarni o‘z egalariga topshirish marosimi bo‘lib o‘tdi.
Namangan viloyati hokimi Shavkatjon Abdurazzoqov ta’lim sifatini yanada yuksaltirish, pedagoglarning nufuzini oshirish va sohada amalga oshirilayotgan islohotlar haqida to‘xtalib, ustoz va murabbiylarni 1 oktabr — O‘qituvchi va murabbiylar kuni bilan samimiy tabrikladi.
Shundan so‘ng Prezidentimizning tegishli Farmoni o‘qib eshittirilib, Davlat mukofotlari o‘z egalariga tantanali ravishda topshirildi.
Namangan viloyati hokimligi Axborot xizmati.