“Ishbilarmon ayol” ko‘rik-tanlovining viloyat bosqichi o‘tkazildi
2025-08-22 21:30:00 / Yangiliklar
Tadbirda Namangan viloyati hokimining o‘rinbosari – Oila va xotin-qizlar boshqarmasi boshlig‘i Dinara Yakubova, Respublika oila va xotin-qizlar qo‘mitasi raisi o‘rinbosari Mukarram Nurmatova hamda Xalq deputatlari Namangan viloyati Kengashi raisi Solijon Mo‘minov ishtirok etib, xotin-qizlarning tadbirkorlikdagi ishtiroki va ularning mamlakat taraqqiyotiga qo‘shib kelayotgan hissasi haqida so‘zga chiqdilar.
An’anaviy tarzda o‘tkazib kelinayotgan mazkur tanlovda uzoq yillardan buyon tadbirkorlik bilan shug‘ullanib, chet eldan investitsiya jalb qilayotgan va ish o‘rinlari yaratishda faollik ko‘rsatayotgan tadbirkor xotin-qizlar ishtirok etdilar.
Bu yilgi “Ishbilarmon ayol” ko‘rik-tanlovi O‘zbekiston Respublikasi Mustaqilligining 34 yilligi arafasida, “Vatan uchun, millat uchun, xalq uchun!” shiori ostida o‘tkazilgani uning ahamiyatini yanada oshirdi.