Namangan viloyati hokimi Shavkatjon Abdurazzoqov Mingbuloq tumanida amalga oshirilayotgan bir qator ijtimoiy va iqtisodiy loyihalar bilan tanishdi.
2025-07-24 14:20:00 / Yangiliklar
Shuningdek, viloyat hokimi "Serharakat" mahallasida mahalla “ettiligi” va nuroniylar bilan uchrashib, hududda olib borilayotgan bunyodkorlik ishlari yuzasidan fikr almashdi. Yangi, zamonaviy uslubda qurilayotgan mahalla binosi bilan tanishildi. Ushbu bino fuqarolarga sifatli xizmat ko‘rsatish va boshqaruv samaradorligini oshirishga xizmat qiladi.
"O‘zgarish" mahallasida esa “Shifo nur” xususiy klinikasi faoliyat yuritmoqda. 5,5 milliard so‘mlik loyiha asosida tashkil etilgan muassasada stomatologiya, laboratoriya, LOR, pediatriya va nevrologiya yo‘nalishlarida xizmatlar ko‘rsatilmoqda. Klinika yiliga 600 nafar bemorga xizmat ko‘rsatish quvvatiga ega bo‘lib, 14 ta yangi ish o‘rni yaratildi.
Mazkur loyihalar Mingbuloq tumanida aholining turmush sifati, tibbiy xizmatlardan foydalanish imkoniyati va ijtimoiy muhitni yaxshilashga xizmat qilmoqda.