“Yashil makon” umummilliy loyihasi doirasida 2023-yilda amalga oshirilgan ishlar va yangi yildagi rejalar toʻgʻrisida
2024-01-31 19:14:00 / Matbuot anjumanlari
Anjumanda viloyat ekologiya boshqarmasi boshligʻi oʻrinbosari Qobiljon Mirahmedov sohadagi islohotlar, xususan, Namangan viloyatini “Yashil makon”ga aylantirish borasida olib borilayotgan tadbirlar haqida batafsil maʼlumot berdi.
Shuningdek, anjumanda viloyat eklogiya boshqarmasi faoliyatining 2023-yil yakunlari hamda joriy yildagi ustuvor yoʻnalishlari haqida ham toʻxtalib oʻtildi. Prezidentimizning “Suv havzalarida noruda materiallarni qazib olishni tartibga solish chora-tadbirlari toʻgʻrisida”gi Farmoni mazmun-mohiyati tushuntirildi.
Tadbirda ishtirokchilarning ekologiya, atrof-muhitni muhofaza qilish va tabiatdan foydalanish sohasidagi huquqbuzarliklar, sanitar-tozalov korxonalarining faoliyati, chiqindilarni oʻz vaqtida tashib ketish, atmosfera havosini muhofaza qilish hamda sohaga oid boshqa savollariga mutaxassislar tomonidan batafsil javob qaytarildi.
Muloqotda ommaviy axborot vositalari vakillari, axborot xizmatlari rahbarlari, jurnalist va blogerlarning mavzuga doir taklif-mulohazalari tinglandi.
Namangan viloyati hokimligi
Axborot xizmati