Norin tumanida “Dolzarb 90 kun” tashabbusi doirasida tizimli ishlar amalga oshirilmoqda
2025-06-18 02:05:00 / Yangiliklar
Mazkur topshiriq asosida “Dolzarb 90 kun” tashabbusi Norin tumanida tizimli ravishda amalga oshirilmoqda. Tumandagi 44 ta umumiy o‘rta ta’lim muassasasida yozgi ta’til davrida o‘quvchilarning bo‘sh vaqtini samarali o‘tkazish, ularning iqtidor va salohiyatini yuzaga chiqarish maqsadida fan, sport, san’at va boshqa yo‘nalishlarda to‘garaklar faoliyati yo‘lga qo‘yilgan.
Xususan, 23 - umumta’lim maktabida mazkur jarayonlar ko‘tarinki ruhda olib borilmoqda. Ilm maskanida tashkil etilgan 20 ta to‘garakka 500 nafardan ortiq o‘quvchi qamrab olinib, turli yo‘nalishlarda amaliy bilim va ko‘nikmalarga ega bo‘lmoqda.
Umuman olganda, tumanda bugungi kunga qadar 27469 nafar o‘quvchi yozgi tadbirlarga jalb etilgan. Shuningdek, shahar tashqarisidagi oromgohlarda 336, maktablar qoshidagi kunduzgi oromgohlarga esa 600 nafar bola xordiq chiqarmoqda. Bundan tashqari, 1072 nafar o‘quvchi “Barkamol avlod” bolalar maktabi to‘garaklarida faol ishtirok etmoqda.
Namangan viloyati maktabgacha va maktab ta’limi boshqarmasi Axborot xizmati