Davlat dasturi doirasida aholi muammolari ijobiy yechim topmoqda
2025-06-02 16:55:00 / Yangiliklar
O‘zbekiston Respublikasi Prezidentining PQ-330-son qaroriga ko‘ra, To‘raqo‘rg‘on tumanida og‘ir toifadagi 6 ta mahalla fuqarolar yig‘inlaridagi aholi tomorqalarini sug‘orish suvi bilan ta’minlash maqsadida jami 8 mlrd. 850 mln. so‘m, infratuzilmani yaxshilash uchun esa 16 mlrd. 569 mln. so‘m mablag‘ ajratilgan.
Jumladan, Oqtosh mahallasida 3,8 kilometr sug‘orish tarmog‘i rekonstruksiya qilindi, 2100 metr ariq betonlashtirildi. Natijada 410 ta xonadonning 19,4 gektar tomorqa yeriga obi-hayot isrof bo‘lmay yetib borapti.
Shu kunlarda esa 1 milliard 300 million so‘m mablag‘ evaziga mahallaning uchta ko‘chasida elektr energiyasi ta’minotini yaxshilash uchun 6 kilometr yangi tarmoq tortilib, 2 ta 250 kVali yangi transformator o‘rnatish ishlari olib borilyapti. 280 ta muddatini o‘tagan simog‘ochlar o‘rnini beton tayanchlar egalladi.
-Navbat yo‘llarni asfaltlashtirishga. Yaqin kunlarda unga ham kirishiladi,-deydi mahalla raisi Abdulbori Jamolov.
To‘raqo‘rg‘on tumani hokimligi Axborot xizmati.