Xalqaro festivalning yana bir yirik tadbiri - moda va dizayn ko‘rgazmasi boshlandi
2025-05-29 21:40:00 / Yangiliklar
Namangan shahridagi “Uch favvora” xiyobonida 64-Xalqaro gullar festivali doirasidagi eng yorqin, eng kutilgan va eng shov-shuvli tadbirlardan biri — “Moda va iste’dod – 2025”ning birinchi bosqichi bo‘lib o‘tdi.
Bu yerda nafaqat zamonaviy uslub, balki yosh dizaynerlar va iqtidor egalarining ham mahoratlari namoyon etildi.
Milliy va zamonaviy liboslardan yaratilgan kolleksiyalar ko‘rgazmasi xalqaro “Gullar festivali”ning o‘ziga xos tadbirlaridan biriga aylandi.
Dasturda el suygan taniqli xonandalar va estrada yulduzlari mehmon bo‘lib, ishtirokchilarga bayramona kayfiyat ulashdilar.
“Moda va iste’dod – 2025” ertaga, 30 may kuni «Afsonalar vodiysi” tematik parki amfiteatrida soat 19:00 da davom etadi.
Go‘zallik va san’at uyg‘unligi namoyishi bo‘lgan go‘zal oqshomda bevosita ishtirok etishga shoshiling!
Namangan viloyati hokimligi Axborot xizmati.