Raqamli kasblar bo‘yicha professional ta’lim sohasida O‘zbekiston va Rossiya hamkorligi yanada mustahkamlanmoqda
2025-05-24 14:35:00 / Yangiliklar
Namangan shahridagi «Sinergiya” raqamli kasblar texnikumiga Rossiya Federatsiyasi Prezidentining xorijiy mamlakatlar bilan mintaqalararo va madaniy aloqalar boshqarmasi boshlig‘i Igor Maslov hamda O‘zbekiston Respublikasi Prezidenti Administratsiyasi Ijtimoiy rivojlanish departamentining rahbari Odil Abdurahmonovlar tashrif buyurishdi.
Mehmonlar texnikumdagi ta’lim dasturlari va infratuzilma bilan yaqindan tanishib, hamkorlik istiqbollarini muhokama qildilar hamda yoshlar o‘rtasida raqamli ko‘nikmalarni rivojlantirishning ahamiyatini ta’kidladilar.
Bu uchrashuv O‘zbekiston va Rossiya o‘rtasida raqamli texnologiyalar sohasidagi professional ta’lim buyicha do‘stlik va hamkorlik munosabatlarini yanada mustahkamlash yo‘lidagi muhim qadam bo‘ldi.
«Sinergiya” raqamli kasblar texnikumi talabalar uchun yangi imkoniyatlarni yaratgan holda faol rivojlanishni davom ettirmoqda.