"Salomatlik sari" yurish marafoni bo‘lib o‘tdi!
2025-04-07 14:50:00 / Yangiliklar
Bugun, 7 aprel - Butunjahon salomatlik kuni munosabati bilan O‘zbekiston kasaba uyushmalari Federatsiyasining Namangan viloyati Kengashi tashabbusi bilan “Salomatlik sari” shiori ostida “Barkamol avlod” sport majmuasida yurish marafoni bo‘lib o‘tdi.
Tadbirda viloyatning turli korxona va tashkilotlarida faoliyat yuritayotgan kasaba uyushma a’zolari, ishchi-xodimlar, yoshlar, yoshlar yetakchilari hamda sog‘lom turmush tarzini qo‘llab-quvvatlovchi ko‘plab fuqarolar faol ishtirok etdi.
Marafon nafaqat jismoniy faollikni rag‘batlantirish, balki aholi orasida sog‘lom turmush tarzini targ‘ib etish, jamoa muhitini mustahkamlash va ijtimoiy birdamlikni kuchaytirishda muhim ahamiyat kasb etdi.
Sog‘lom hayot sari qo‘yilgan har bir qadam - barkamol kelajak poydevoridir!