Namanganda 64-xalqaro gullar festivali bir oydan ortiq davom etadi
2025-04-03 18:20:00 / Yangiliklar
Namanganda joriy yil 25-maydan 29-iyungacha 64-xalqaro gullar festivali bo‘lib o‘tadi. Bu haqda “Daryo” muxbiri Azizbek Abduvaliyev xabar bermoqda.
Festival davomida Namangan shahridagi bog‘ va xiyobonlar 100 milliondan ortiq gullar bilan bezatiladi, mutaxassislar ishtirokida mahorat saboqlari beriladi, gullar savdosi avj oladi.
Shuningdek, festival doirasida jahon va milliy estrada yulduzlari ishtirokida konsertlar, modalar haftaligi, “Talant shou”, “Ovoz” va X-Factor tanlovlari, sport musobaqalari, sirk tomoshalari, hunarmandchilik ko‘rgazmalari, “Lavanda sayli” va dron-shou ham bo‘lib o‘tadi.
Yakunda festivalning eng faol ishtirokchilari an’anaga muvofiq qimmatbaho sovg‘alar va pul mukofotlari bilan taqdirlanadi.