Doʻstlik va hamjihatlik ulugʻlangan yurt
2025-03-30 13:00:00 / Yangiliklar
Koʻp millatli yurtimizda oʻzaro totuvlik va birdamlik tamoyillari ustuvor boʻlib, har bir bayram katta shodu-xurramlik bilan oʻtadi. Ayni damda, Uchqoʻrgʻon tumanidagi “Yoshlar bogʻi”da Navroʻz va muborak Ramazon Hayiti bayramlari “Buyuk kelajakni birga quramiz” shiori ostida yuqori kayfiyat bilan nishonlanmoqda.
Uchqoʻrgʻon tumani Qirgʻiziston bilan chegaradosh hudud hisoblanib, bu yerda turli millat va elat vakillari bir oiladek ahil va inoq hayot kechirishadi. Shu bois, ushbu bayram tadbirlari nafaqat milliy, balki xalqaro doʻstlik va hamkorlik ruhida oʻtmoqda.
Bayram doirasida xalq oʻyinlari, konsert dasturlari, milliy sport musobaqalari va hunarmandchilik koʻrgazmalari tashkil etilmoqda. Tadbirlarda yoshlar, nuroniylar, ijodkorlar va keng jamoatchilik faol ishtirok etmoqda.
Uchqoʻrgʻonliklar ushbu bayramlarni nafaqat madaniy meros, balki doʻstlik va hamjihatlik ramzi sifatida nishonlashmoqda.